ا. باتالوۆتىڭ ايتۋىنشا, ءتۋريزمنىڭ وليمپيادا جولىنا شىعۋىنا بايلانىستى سالا الدىندا ءىجو قۇرىلىمىنداعى تۋريزم ۇلەسىن 2025 جىلعا قاراي 8%-عا دەيىن ارتتىرۋ جانە ەلىمىزگە كەلۋشىلەر ءتۋريزمىنىڭ 100-پايىزدىق ءوسىمىن قامتاماسىز ەتۋ مىندەتى تۇر.
«ادەتتەگىدەي, تۋروپەراتورلاردىڭ 95% بۇگىندە تەك سىرتقا شىعۋ تۋريزمىنە باعىتتالعان. تۋروپەراتورلار قۇزىرەتتى ورگاندارمەن بىرگە قازاقستاندى ىشكى, سونداي-اق سىرتقا شىعۋشى تۋريستەردى دە تارتۋى ءتيىس جەر رەتىندە ايقىنداۋى كەرەك. وسىنى ەسكەرە وتىرىپ, تۋريستىك سالانى دامىتۋ تۇجىرىمداماسىنىڭ الدىڭعى نۇسقاسى جاڭارتىلدى», – دەدى ا. باتالوۆ.
تۇجىرىمدامانى ىسكە اسىرۋدىڭ نەگىزگى قۇرالى ءىس-شارالار جوسپارى بولماق. جوبالىق باسقارۋ اياسىندا ناقتى ينديكاتورلار بەلگىلەنگەن, ولارعا سايكەس ەڭبەك ونىمدىلىگى جىل سايىن 4-5%-عا, حالىقتىڭ جۇمىسپەن قامتىلۋى – 5%-عا ۇلعايىپ وتىرادى. بۇل, ا. باتالوۆتىڭ پىكىرىنشە, قازاقستان ەكونوميكاسى قۇرىلىمىنداعى تۋريزم ۇلەسىن ارتتىرۋعا مۇمكىندىك بەرەدى.