بۇل تۋرالى وبلىس اكىمى جانسەيىت تۇيمەباەۆ وڭىردەگى «نۇرلى جول» باعدارلاماسىنىڭ ورىندالۋى تۋرالى وتكەن ماجىلىستە ايتتى. ايماق باسشىسى مۇنداي شەشىمدى وبلىستىق قۇرىلىس باسقارماسىنىڭ باسشىسى قۇتتىبەك جاماشەۆتىڭ قازىعۇرت, سايرام, شاردارا اۋداندارى مەن شىمكەنت قالاسىنداعى مەكتەپ قۇرىلىسىندا ورىن العان ولقىلىقتار بويىنشا بايانداعان مالىمەتىنە سايكەس ايتتى.
باسقارما باسشىسىنىڭ حابارلاۋىنشا, قازىعۇرتتا ەكى 300 ورىندىق مەكتەپتىڭ قۇرىلىسى كەشىكسە, سايرامداعى ءتورت ءبىلىم وشاعىندا بىرقاتار قۇرىلىس نورمالارى ساقتالماعان. شارداراداعى ءبىر مەكتەپ پەن شىمكەنتتەگى ەكى ءبىلىم وشاعىندا دا جاعداي وسى ىسپەتتەس.
ماسەلەنىڭ ءمان-جايىنا قانىققان وبلىس اكىمى قۇرىلىستا كەمشىلىكتەرگە جول بەرگەن اۋدان, قالا اكىمدەرىنىڭ جۇمىسىن سىنعا الدى. نەگىزگى سەبەپتى قۇرىلىس نىسانىن سالۋشى مەردىگەر مەكەمەگە سىلتەگەن باسشىلاردىڭ وزدەرىنە ەسكەرتۋ جاسادى.
ەگەر جۇمىس وسىلاي جالعاسا بەرەتىن بولسا, جاۋاپكەرشىلىكتەرىڭىزدىڭ جوقتىعىنان كەلەسىدە جاڭا قۇرىلىس نىسانى اۋداندارىڭىزعا بەرىلمەيتىن بولادى. ءبىر اۋدانعا ءبىر مەكتەپ سالۋ - بۇل سول اۋدان ءۇشىن, ونداعى حالىق, بالالار ءۇشىن ۇلكەن قۋانىش. سىزدەردىڭ نەمقۇرايلىلىقتارىڭىزدان تۋىندايتىن بولماشى كەمشىلىكتەردىڭ ورىن الۋى حالىققا زيانىن تيگىزبەۋى ءتيىس», - دەدى وبلىس اكىمى.
سونىمەن بىرگە, ءوڭىر باسشىسى جيىندا «نۇرلى جول» باعدارلاماسى بويىنشا نىسانداردىڭ قۇرىلىس جۇمىستارىنىڭ ساپالى جانە مەرزىمىندە اتقارىلۋىن قامتاماسىز ەتۋدى, قالىس قالىپ وتىرعان نىساندار بويىنشا 2, 3 اۋىسىمدا قۇرىلىس جۇمىستارىن ۇيىمداستىرۋدى, سونداي-اق, جۇمىستىڭ ساپاسىنا باقىلاۋدى باسەڭدەتكەن جاۋاپتى قىزمەتكەرلەردىڭ تارتىپتىك جاۋاپكەرشىلىگىن قاراۋدى تاپسىردى.