- 2017 جىلعا مەملەكەتتىك اتاۋلى الەۋمەتتىك كومەك كورسەتۋگە 37,8 ملن تەڭگە قاراجات قارالعان. ەسەپتى كەزەڭگە 389 ادامعا 4,6 ملن تەڭگەگە اتاۋلى الەۋمەتتىك كومەك تاعايىندالىپ, تولەندى. وتكەن جىلدىڭ سايكەس كەزەڭىمەن سالىستىرعاندا كومەك الۋشىلاردىڭ سانى 140 ادامعا ازايدى. ال, تۇرعىن ءۇي كومەگىن كورسەتۋگە بيىل 366,9 ملن تەڭگە قاراجات ءبولىنىپ, ەسەپتى كەزەڭگە 6921 وتباسىنا 174,0 ملن تەڭگەگە تۇرعىن ءۇي كومەگى كورسەتىلدى. وتكەن جىلدىڭ سايكەس كەزەڭىمەن سالىستىرعاندا تۇرعىن ءۇي كومەگىن الاتىنداردىڭ سانى 286 وتباسىنا كەمىپ وتىر. سونىمەن قاتار, جەرگىلىكتى بيۋدجەتتەن 18 جاسقا دەيىنگى بالالارعا جاردەماقىنى تولەۋگە 1204,0 ملن تەڭگە بولىنگەن. ەسەپتى كەزەڭگە 44008 بالاعا 297,1 ملن تەڭگەگە بالالار جاردەماقىسى تولەندى. وتكەن جىلدىڭ سايكەس كەزەڭىمەن سالىستىرعاندا جاردەماقى الۋشىلاردىڭ سانى 14253 بالاعا ازايدى, - دەيدى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ مىندەتىن اتقارۋشى ا.ەسقاراەۆا.
ايتا كەتەيىك, مەملەكەتتىك الەۋمەتتىك تاپسىرىس شەڭبەرىندەگى "سىر مەيىرىمى" جوباسى اياسىندا كۇندەلىكتى 225 ادامعا تۇسكى اس بەرىلەدى. وعان قازىنادان 5 ملن تەڭگە بولىنگەن.