استاناداعى سيريالىق كەلىسسوزدەرگە قاتىساتىن اقش وكىلى بەلگىلى بولدى

«استانادا 4-5 شىلدە ارالىعىندا وتەتىن سيريالىق كەلىسسوزدەردە اقش-تى مەملەكەتتىك حاتشىنىڭ تاياۋ شىعىس ىستەرى جونىندەگى كومەكشىسىنىڭ مىندەتىن اتقارۋشى ستيۋارت دجونس تانىستىرادى», - دەلىنگەن حابارلامادا.

ايتا كەتەيىك, قازاقستان استاناسىنداعى سيريا جونىندەگى كەلىسسوزدەر ءتورت كەزەڭنەن ءوتتى (23-25 قاڭتار, 15-16 اقپان, 14-15 ناۋرىز جانە 3-4 مامىر). ءتورتىنشى راۋندتىڭ ناتيجەسى بويىنشا كەپىلگەر-ەلدەر - رەسەي, يران جانە تۇركيا - سيريادا قاۋىپسىزدىك ايماعىن قۇرۋ تۋرالى مەموراندۋمعا قول قويدى. قر سىرتقى ىستەر ءمينيسترى قايرات ءابدىراحمانوۆ كەزەكتى راۋندتى قورىتىندىلاي وتىرىپ, استانا پروتسەسىنىڭ باستى ماقساتى ەلدەگى قان توگىستى توقتاتۋ ەكەندىگىن اتاپ ءوتتى.