بيىل جەتىنشى رەت وتكىزىلىپ وتىرعان شارانى ەۇۋ كاسىپوداق كوميتەتىنىڭ توراعاسى تالعاتبەك جانايداروۆ, «جۇلدىز» جۋرنالىنىڭ باس رەداكتورى, اقىن ۇلىقبەك ەسداۋلەت, بەلگىلى تەلەجۋرناليست نۇرتىلەۋ يمانعالي ۇلى, «ايقىن» گازەتىنىڭ باس رەداكتورى نۇرتورە ءجۇسىپ جانە پروفەسسور-عالىم نامازالى وماشەۆ قۇتتىقتاۋ سوزبەن اشىپ, جارىسقا قاتىسۋشىلارعا ساتتىلىك تىلەدى.
جىلداعى ءداستۇر بويىنشا جارىسقا قاتىسۋشىلار الپىس جاستان اسقان قالامگەرلەر جانە الپىس جاسقا دەيىنگى جۋرناليستەر مەن باق سالاسىنىڭ قىزمەتكەرلەرى بولىپ ەكى توپقا ءبولىندى. ناتيجەسىندە الپىس جاستان اسقاندار اراسىنان ءى ورىندى ەۇۋ وقىتۋشىسى, زاڭ عىلىمدارىنىڭ دوكتورى, پروفەسسور جۇمابەك بۇسىرمانوۆ يەلەنسە, ءىى ورىندى قازاق راديوسىنىڭ ارداگەر ءجۋرناليسى عالىم ەسەنساريەۆ الدى. ءىىى ورىن بەلگىلى تەلەجۋرناليست نۇرتىلەۋ يمانعالي ۇلىنا بۇيىردى.
الپىس جاسقا دەيىنگىلەر اراسىنداعى ەكىنشى توپتان ءبىرىنشى ورىندى كورنەكتى فوتوگراف شۇكىر شاحاي جەڭىپ السا, ەكىنشى ورىندى تانىمال جۋرناليست سەرىك جانبولات, ءۇشىنشى ورىندى ءنۇردىلدا وراز يەلەندى. سونداي-اق, ەرەكشە ويىندارىمەن كوزگە تۇسكەن نەسىپ ءجۇنىسباي, ۇلىقبەك ەسداۋلەت, عالىم ومارحان جەڭىسكە دەگەن ۇمتىلىستارى ءۇشىن ماراپاتتالدى.
تۋرنير سوڭىندا ۇيىمداستىرۋ القاسى بارلىق قاتىسۋشىلارعا العىس ايتىپ, ەستەلىك سۋرەتكە ءتۇستى. وسىنداي شارالار ارقىلى ءار قازاقتىڭ جادىندا اقسەلەۋ سەيدىمبەكتەي اردا ازامات ءاردايىم ساقتالارى ءسوزسىز.
«ەگەمەن-اقپارات»