ۇيىمداستىرۋشىلاردىڭ ايتۋىنشا, سپورتتىڭ بۇل ءتۇرى مۇمكىندىگى شەكتەۋلى زامانداستارىمىزدىڭ ءوز ونەرىن تانىتۋىنا زور مۇمكىندىك بەرەدى. ولاردىڭ رۋحىن وياتىپ, ومىرگە دەگەن قۇلشىنىسىن ارتتىرادى.
تۋرنيرگە باتىس قازاقستان, اقتوبە, قاراعاندى, جامبىل, قوستاناي, الماتى, وڭتۇستىك قازاقستان وبلىستارى مەن استانا قالاسىنىڭ بيشىلەرى قاتىستى.
جارىسقا قاتىسۋشىلار اراسىندا 2016 جىلعى ازيا چەمپيوناتىنىڭ, 2014 جىلعى پاراليمپيادالىق ازيا ويىندارىنىڭ جەڭىمپازدارى جانە 2015 جىلعى الەم چەمپيوناتىنىڭ جۇلدەگەرى بار. ۇمىتكەرلەر حالىقارالىق بىلىكتىلىك تالاپتارىنا ساي – combi/duo-standart, latina, freestyle اتالىمدارىنىڭ بارلىق تۇرلەرى بويىنشا باق سىناستى.
– شارانىڭ ماقساتى – اربامەن بيلەۋدى ناسيحاتتاۋ. وعان ءبىرى اربادا, ەكىنشىسى ون ەكى مۇشەسى ساۋ جۇپتار, ەكەۋى دە اربادا وتىرعان جۇپتار جانە جۇپسىز, ياعني اربادا وتىرعان جالعىز ءبيشى قاتىسا الادى, – دەيدى قازاقستان زاماناۋي جانە سپورتتىق بيلەر فەدەراتسياسىنىڭ پرەزيدەنتى ءاليا تۇسىپبەكوۆا.
ەل بىرىنشىلىگىنە قاتىسقان قاراعاندىلىق ايگۇل بالماعامبەتوۆا Single Woman جانە Single Freestyle اتالىمدارىندا ەكى بىردەي كۇمىس جۇلدەگە يە بولدى.
جانيلا قۇرىشبەكوۆا, №4 جببم 11 «ب» سىنىپ وقۋشىسى
قاراعاندى وبلىسى,
ساران قالاسى