اقش پرەزيدەنتى دونالد ترامپ ءوزىن جانە ءۇندىستان پرەمەر-ءمينيسترى نارەندرا ءموديدى «الەۋمەتتىك جەلىلەردىڭ الەمدىك كوشباسشىلارى» دەپ اتادى. بۇل تۋرالى ريا «نوۆوستي» حابارلادى.
«مەن امەريكا مەن ءۇندىستان حالقىنا, سونداي-اق ءباسپاسوز قۇرالدارىنا ءبىزدىڭ الەۋمەتتىك مەديا سالاسىندا الەمدىك كوشباسشى ەكەنىمىزدى ايتقىم كەلەدى. ءبىز حالىقتىڭ شەنەۋنىكتەرمەن تىكەلەي بايلانىستا بولىپ, ولاردان جاۋاپ الۋ مۇمكىندىگىنە يە بولۋىن قالايمىز», – دەپ مالىمدەدى دونالد ترامپ ۆاشينگتونعا رەسمي ساپارمەن كەلگەن ءۇندىستان پرەمەرى نارەندرا موديمەن كەزدەسۋ بارىسىندا.
دونالد ترامپ پەن نارەندرا مودي Twitter الەۋمەتتىك جەلىسىنىڭ بەلسەندى قولدانۋشىلارى بولىپ تابىلادى.