اۋدانداعى 172 مال بورداقىلاۋ الاڭدارىندا 28 مىڭ ءىرى قارا سەمىزدىكتەن تاڭى ايىرىلايىن دەپ تۇر. مۇنداعى وزبەك اعايىندار مالدىڭ قوڭىن قالاي كوتەرۋدىڭ جولىن بىلەدى. ءبىزدىڭ قازەكەڭ ءىرى قارانىڭ الدىنا شومەلە ەتىپ ءشوپ ءۇيىپ, سۋدان تارىقتىرماعانىمەن, سايرامداعى شارۋالارداي سەمىرتە المايدى.
سايرامدا تالاي مال بورداقىلايتىن قورالاردى ارالاپ كوردىك. ءۇش مەزگىل ءداۋ قارا شەلەكپەن مايمىلدەتىپ كەبەك, شۇلقا, شروت, ونگەن بيداي, س ۇلى ارالاسقان سۇيىقتىقتى الدىنا تارتادى. تابەتىن اشاتىن ءدارى ەگەتىندەرى دە بار. بۇرىنىراقتا سىرا زاۋىتىنان قالعان س ۇلىنى دا بەرىپ كەلگەن. وسىنىڭ ءبارىن جالاپ-جۇقتاپ جەپ قويعان وگىز ءبىر كەسە كوكنار ەزىلگەن سۇيىقتىقتى ءسىمىرىپ تاستاپ, ىستىق شايدى قاۋىپ-قاۋىپ ءىشىپ, ارتىنداعى جاستىققا سۇلايتىن كانىگى كوكنارشىداي مۇلگىپ جاتادى. كۇنىنە كەم دەگەندە 70 گرامعا دەيىن قوساتىن بۇل سيىرلاردىڭ ەتى ء«مارمار» دەپ اتالادى. قۇدايدىڭ قۇدىرەتىن قاراساڭىزشى, سايرامدىق شارۋالار بايلاعان مالدىڭ ەتى ءبىر ماي, ءبىر ەت, كورەر كوزگە سۇيكىمدى.
اۋداندا جىلىنا ەكى رەت بورداقىلانعاننان كەيىن 17 مال سويۋ بەكەتىنە شىعارىلىپ, 65 مىڭداي ءىرى قارا سويىلادى. سوندا ورتاشا ەسەپپەن جىلىنا 11 مىڭ توننا ەت قازاقستان نارىعىنا شىعارىلادى.
ءبىز بارعان مانكەنت اۋىلىنداعى «كۋرۆانتاي اتا» سەرىكتەستىگى جۇمىسىن 2014 جىلى باستاعان. 2015 جىلى مال بورداقىلاۋ كەشەنىن اياقتاعان سەرىكتەستىك ءبىر مەزگىلدە 700 باستى جەمگە قويادى. جىلىنا ورتا ەسەپپەن 300 توننادان استام ەت دايىندايتىن سەرىكتەستىك سويعان مالىنىڭ ەتىن شىمكەنتتەن بولەك, الماتى, استانا قالالارى, قىزىلوردا وبلىسى جانە بايقوڭىر قالاسىنا شىعاردى. سوندا دايىن ەتتى نارىققا شىعاراتىن سەرىكتەستەرى بار. ياعني, قايدا وتكىزەمىن دەمەيدى.
سيىردان بولەك, جىلقى بورداقىلايتىن كەشەندەردە رەسەيدەن اكەلىنگەن قىلقۇيرىقتىلار دا ۇشىراسادى. قازاقى جىلقىلارداي قازى بايلاماعانىمەن, قارا ەتى مول ءىرى جىلقىنى ساۋدالاۋشىلار دا كوپ. وسىلايشا شاعىن ءبىر اۋداننىڭ ەڭبەكقور شارۋالارى مال بورداقىلاۋدان كۇرەپ پايدا تاۋىپ وتىر.
باقتيار تايجان, «ەگەمەن قازاقستان»
وڭتۇستىك قازاقستان وبلىسى