جاقسى حاباردى بارشا قازاقستاندىقتىڭ قۋانا قابىلدايتىنى انىق. ەلباسىمىز نۇرسۇلتان ءابىش ۇلى نازارباەۆتىڭ ەسىمى استاناداعى حالىقارالىق اۋەجايعا بەرىلدى. ەلباسى – تۇڭعىش پرەزيدەنتىمىزدىڭ ەلىمىزدى قۇرۋداعى ەڭبەگى وسىلايشا اتاپ ءوتىلدى.
ەلباسىنىڭ مەملەكەت قۇرۋداعى ەرەن ەڭبەگىن, يادرولىق قارۋدى تاراتپاۋ جانە بۇكىل الەمدە بەيبىتشىلىك ساياساتىن ىلگەرىلەتۋ جونىندەگى ساياساتىن حالىقارالىق قوعامداستىق جاقسى بىلەدى. سوندىقتان ەلوردانىڭ باستى اۋە قاقپاسىنىڭ ەلىمىزدى, مەملەكەتىمىزدى قۇرعان تۇڭعىش پرەزيدەنتتىڭ اتىمەن اتالۋى ەلباسىنىڭ زور ەڭبەگىن, قاجىر-قايراتىن, كۇش-جىگەرىن ەلەپ-ەسكەرۋدىڭ ءبىر كورىنىسى دەپ بىلەمىن.
حالقىمىز قاشاندا ەل باستاعان ەل باسشىسىنىڭ, قول باستاعان قولباسشىنىڭ ەسىمىن قاستەرلەيدى, قۇرمەت تۇتادى. سوندىقتان, حالىقارالىق اۋەجايعا ەلباسى ەسىمىنىڭ بەرىلۋىمەن قازاقستاندىقتاردى قۇتتىقتايمىن!
مۇحتار التىنباەۆ, پارلامەنت سەناتىنىڭ دەپۋتاتى