جيىنعا وبلىس اكىمىنىڭ ورىنباسارى ە.سادىر, وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى م.وتارشيەۆ, سايرام اۋدانىنىڭ اكىمى س.ساپارباەۆ جانە اۋىل وكۋرگى اكىمدەرى, ءتيىستى سالالىق ءبولىم باسشىلارىنىڭ قاتىستى.
شارادا ازاماتتاردىڭ الەۋمەتتىڭ مارتەبەسىن انىقتاۋ مەن ولارعا مەملەكەتتىك قولداۋ كورسەتۋ جۇمىستارىنىڭ بارىسى تالقىلاندى. سايرام اۋدانى بويىنشا «الەۋمەتتىك مارتەبەسىن انىقتاۋ» اۆتوماتتاندىرىلعان اقپاراتتىق جۇيەسى ارقىلى 102 899 ادامنىڭ 102 179-ى نەمەسە 99,3 پايىزىنىڭ الەۋمەتتىك دەرەكقورى انىقتالعان. جيىن بارىسىندا وبلىس اكىمىنىڭ ورىنباسارى ەربول سادىر اقپاراتتاردىڭ شىنايىلىعىن ناقتىلاۋدى 1 شىلدەگە دەيىن اياقتاۋدى تاپسىردى.
سونداي-اق «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 –2021 جىلدارعا ارنالعان باعدارلاماسى» شەڭبەرىندە كاسىپتىك جانە تەحنيكالىق وقىتۋعا, قىسقا مەرزىمدى كاسىپتىك وقىتۋعا, شاعىن نەسيەلەنۋگە, سونىمەن قاتار پايدا بولعان بوس جۇمىس ورىندارىنا جۇمىسپەن قامتۋ شارالارىمەن قاتىستىرۋ تۋرالى ناقتى تاپسىرما جۇكتەلدى.
سونىمەن قاتار, وبلىس اكىمىنىڭ ورىنباسارى ە.سادىر وسى تاقىراپ بويىنشا جيىندى تۇلكىباس اۋدانىندا جالعاستىردى.
مۇنداعى «الەۋمەتتىك مارتەبەسىن انىقتاۋ» اۆتوماتتاندىرىلعان اقپاراتتىق جۇيەسىندەگى دەرەكقورعا سايكەس 30 823 ادامنىڭ 30823-ءى نەمەسە 100 پايىزى انىقتالىپ ەنگىزىلدى. 2017 جىلدىڭ 1 شىلدەسىنە دەيىن اقپاراتتاردىڭ شىنايىلىعىن ناقتىلاۋ تاپسىرىلدى.