مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ۇستانىمدارى نەگىزىندە ۇلتتىق كودتى نىعايتۋ مەن ۇلتتىق سانانى وركەندەتۋ ماقساتىندا ءارى كەلە جاتقان بايلانىس جانە بۇقارالىق اقپارات قۇرالدارى قىزمەتكەرلەرىنىڭ كۇنى اياسىندا جۋرناليستەر قاۋىمىنىڭ ءبىر توپ وكىلى قوعامدىق نەگىزدەگى كاسىبي جوعارى ماراپاتقا يە بولدى.
ماراپاتتى رەسپۋبليكالىق قوعامدىق-ساياسي «پرەزيدەنت جانە حالىق» گازەتىنىڭ باس رەداكتورى, پروفەسسور, قوعامدىق اتاقتار مەن ماراپاتتار جونىندەگى رەسپۋبليكالىق كەڭەستىڭ توراعاسى مارات توقاشباەۆ تاپسىردى.
«قازاق جۋرناليستيكاسىنىڭ قايراتكەرى» قۇرمەتتى اتاعىنا قازاق جۋرناليستيكاسىنىڭ قازىرگى ۇلكەن اقساقالى – 92 جاستاعى قارت جۋرناليست ساپابەك ءاسىپ ۇلى, شەرحان مۇرتازا, سارباس اقتاەۆ, ۋاحاپ قىدىرحان ۇلى, زاكىر اساباەۆ, ماماديار جاقىپ, بەكبولات ادەتوۆ, فايزوللا ورازاەۆ, ورىسباي ابىلداەۆ, نۇرمانبەت قيزات ۇلى, بەيبىت قويشىباي, نۇرلان ورازالين, ەرجۇمان سمايل, جارىلقاپ بەيسەنباي ۇلى, جانات ەلشىبەك, اسقانباي ەرعوجاەۆ سياقتى اعا بۋىن جۋرناليستەر يە بولدى.
سونداي-اق, تومەندەگى جۋرناليستەر, اراسىندا باق باسشىلارى دا بار – ناعاشىبەك قاپالبەك ۇلى, كوپەن امىربەكوۆ, جۇماباي شاشتاي ۇلى, نەسىپ جۇنىسباەۆ, رىسبەك سارسەنباي, مەرەكە قۇلكەنوۆ, جانبولات اۋپباەۆ, نۇرتىلەۋ يمانعالي ۇلى, ەرتاي ايعالي ۇلى, تالعات ايتباي ۇلى, ەرلان قوجاكەلديەۆ, جۇمابەك كەنجالين, سامات يبرايم بەكتەن ۇلى, ساعاتبەك مەدەۋبەك, قاسىمحان بەگمانوۆ, قالي سارسەنباي, قازىبەك يسا, جارىلقاپ قالىباي, جۇسىپبەك قورعاسبەك, شامشيدەن پاتتەەۆ, نۇرتورە ءجۇسىپ, ءساليا ابدىكارىموۆا, ءلايلا وڭالباەۆا, قاراگوز سىدىقوۆا جانە باسقالارى مەرەكە قارساڭىندا ماراپاتسىز قالمادى.
سالتاناتتا الماتىلىق ونەر قايراتكەرلەرى ءان-جىردان شاشۋ شاشتى. ارداگەر جۋرناليستەرگە داستارحان جايىلىپ, دۇنيەدەن وتكەن بارشا قازاق جۋرناليستەرىنە باعىشتالىپ, قۇران وقىلدى.
تالعات ءسۇيىنباي,
«ەگەمەن قازاقستان»
سۋرەتتەردى تۇسىرگەن اۆتور.