شاحماتتان الەم چەمپيوناتىنىڭ ىرىكتەۋ كەزەڭى رەتىندە سانالعان تۋرنيرگە قازاقستان, وزبەكستان, قىرعىزستان, تۇركمەنستان, تاجىكستان جانە اۋعانستان ەلىنىڭ ۇزدىك شاحماتشى قىزدارى قاتىستى.
تۋرنير شۆەيتساريالىق جۇيە بويىنشا ءوتىپ, شاحماتشىلار توعىز تۋر وينادى. سەگىزىنشى تۋردان كەيىن وزبەكستاندىق شاحماتشى قىز گۋلرۋحبەگيم توحيرجونوۆا 7,5 ۇپايمەن ءبىرىنشى ورىندا كەلە جاتقان ەدى. ال, وتانداسىمىز دينارا سادۋاقاسوۆادا 7 ۇپاي بولاتىن. شەشۋشى توعىزىنشى تۋردا سادۋاقاسوۆ تۇركمەنستان شاحماتشىسى جەمال وۆەزدۋردىەۆانى ۇتسا, وزبەكستاندىق توحيرجونوۆا تاعى ءبىر وتانداسىمىز اسەل سەرىكبايمەن تەڭ وينادى. وسىدان كەيىن, ەكى شاحماتشى دا بىردەي سەگىز ۇپاي جيناپ, تەڭەسىپ قالدى.
جارىستى ۇيىمداستىرۋشىلار سادۋاقاسوۆا مەن توحيرجونوۆا اراسىندا قوسىمشا ويىن وتكىزىپ, ناتيجەسىندە دينارا سادۋاقاسوۆا جەڭىسكە جەتتى. ءسويتىپ, ءوتانداسىمىز تۋرنيردىڭ چەمپيونى اتاندى. دينارا وسىمەن قاتارىنان ەكىنشى رەت الەم بىرىنشىلىگىندە ويناۋعا مۇمكىندىك الدى.
ەرلەر اراسىنداعى باسەكەدە جىگىتتەرىمىز ناتيجەلى ونەر كورسەتە المادى.