راحمان قاينارىنا, زىريان قالاسىنا جانە وسى باعىتتاعى بارلىق تۇرعىلىقتى جەرلەرگە اپاراتىن جاڭا جول وسى ۋاقىتقا دەيىن قاۋىپتى جول بولىگى بولىپ سانالىپ كەلگەن وسينوۆ اسۋىن اينالىپ وتپەك.
«قازىردە جەردىڭ قۇنارلى بولىگى الىنىپ, جول قۇرىلىسىنا دايىندىق جۇمىستارى باستالىپ كەتتى. تولىققاندى قۇرىلىس جۇمىستارى شىلدە ايىندا باستالماق. سونىمەن قاتار, 2017 جىلى ءۇش جىلعا جوسپارلانعان الماتى-وسكەمەن, ومبى – مايقاپشاعاي تاس جولدارىندا كۇردەلى جوندەۋ جۇمىستارى وتكىزىلەدى», – دەلىنگەن حابارلامادا.
ايماقتا بۇگىنگى كۇنى رەسپۋبليكالىق ماڭىزى بار جولدار دا جوندەۋدەن ءوتىپ قانا قويماي, قوسىمشا جابدىقتار دا ورناتىلماق.
اتاپ ايتساق, جولدىڭ قاۋىپتى بولىگىندە جۇرگىزۋشىنىڭ نازارىن اۋلاۋ ءۇشىن دىبىس جولاقتارىن جانە جارىق ديودتى جول بەلگىلەرىن ورناتۋ جاسپارلانعان.
ءوز كەزەگىندە وبلىس اكىمى دانيال احمەتوۆ جالپى جۇمىس بارىسىنا وڭ باعاسىن بەرە وتىرىپ, جوندەۋ جۇمىستارى بارىسىنداعى پروبلەمالاردى دا نازاردان تىس قالدىرماۋدى تاپسىردى.