جازعى كينوتەاتردا وتاندىق «قازاق ەلى» ءفيلمىنىڭ كورسەتىلىمى جالعاسىپ جاتىر.
دەمالىس كۇندەرى ەلوردا تۇرعىندارى مەن قوناقتارى تاريحي كينو ەپوپەيانىڭ 5 جانە 6-بولىمدەرنى تاماشالادى.
استاناداعى اسپان استى اياسىنداعى العاشقى كينوتەاتر كورەرمەندەرىنىڭ نازارىنا اتالعان ءفيلمنىڭ بارلىق 10 ءبولىمى ۇسىنىلادى. بۇل جايلى استانا قالاسى سارىارقا اۋدانى اكىمدىگى فەيسبۋكتەگى پاراقشاسىندا جاريالادى.
ايتا كەتەيىك, جازدىق كينوتەاتر م.وتەمىسوۆ اتىنداعى وقۋشىلار سارايىنىڭ الدىنداعى ارباتتا ورنالاسقان. فيلمدەردى تەگىن كورۋ ءۇشىن قازاق حالقىنىڭ سالت-داستۇرىنە ساي ۇلتتىق ناقىشپەن بەزەندىرىلگەن ورىندىقتار قويىلىپ, جۇمساق كورپەلەر توسەلگەن.