18 ماۋسىم كۇنى تۇندە تەڭىزگە كەتكەن ابىلاي 22 ماۋسىم كۇنى ماڭعىستاۋ وبلىستىق اۋرۋحاناسىنا جەتكىزىلەدى. العاشىندا جانساقتاۋ بولىمىنە تۇسكەن جىگىتتىڭ دەنساۋلىعى قازىر جاقسى, الداعى اپتادا ۇيىنە قايتۋعا دايىندالىپ جاتىر. دارىگەرلەر جىگىتتە گيپوتەرميا, ياعني دەنە قىزۋىنىڭ 32 گرادۋسقا دەيىن تومەندەپ كەتكەندىگىن, تاماق ىشپەگەندىكتەن السىرەگەندىگىن ايتادى. – سۋدا ءجۇزىپ ءجۇرىپ تىكۇشاقتى, كەمەنى كورىپ ايقايلادىم, بىراق ولار, ارينە, مەنىڭ داۋىسىمدى ەستىگەن جوق. ءتورتىنشى كۇنى كەمەنى كورىپ, قۇدايدان تىلەك ەتتىم. كەمەگە جەتۋ ءۇشىن قانشا ءجۇزدىم, ەسىمدە جوق. ەسىمدى كەمە ىشىندە جىيدىم, – دەيدى ابىلاي. يراندىق كەمەگە تاپ بولعان ونى كەمەدەگىلەر سۋ بەرىپ, قۇرعاق كيىم كيگىزىپ, ءوز-وزىنە كەلگەن سوڭ نەبارى 40 مينۋت ىشىندە قازاقستاندىق تەڭىزشىلەرگە تاپسىرعان. جاعالاۋعا كەلگەن بويدا «جەدەل جاردەم» شاقىرتىپ, دەرەۋ اۋرۋحاناعا جەتكىزىلگەن.
گۇلايىم شىنتەمىرقىزى, «ەگەمەن قازاقستان»
ماڭعىستاۋ وبلىسى