– جاقسىلىقتى جار سالا ايتۋ دا جاقسى ەمەس, ارينە. دەسە دە, ءسىزدىڭ باستاماڭىزبەن قولعا الىنعان يگى ىستەر ەلدىڭ ىقىلاسىن وياتىپ, العىسىن الۋدا. قاراجاتتان قىسىلىپ, قامىققان جاندارعا كوپتەن بەرى قولۇشىن سوزىپ ءجۇرسىز بە؟ – اللا جۇمىر باستى پەندەسىن كەدەيلىكپەن دە, بايلىقپەن دە سىنايدى عوي. قولىمىزدا بار دۇنيە, الدىمەن جاراتقان بەرگەن نەسىبەدەن, سودان كەيىن عانا ەڭبەگىمىزبەن بىتكەنى انىق. سوندىقتان, اينالامىزداعى اعايىننىڭ قينالعانىنا كوز جۇما قاراي المايمىز. جالپى, كومپانيانىڭ اتىنان 1995 جىلدان بەرى قايىرىمدىلىق شارالارىنا قاتىسۋدامىز. سول كەزدەن بىلتىرعا دەيىن كومەككە جاراتقان قاراجاتىمىزدىڭ جالپى ەسەبى 37 ميلليونعا جەتىپتى. اسىرەسە, جەتىم بالالارعا, قارتتار ۇيىنە, ارداگەرلەرگە كوبىرەك جاردەمدەستىك. – سوڭعى رەت ەلورداداعى ەكسپو كورمەسىنە جەتىسۋ جەرىنەن 500 جەتكىنشەكتى اكەلدىڭىزدەر... – ءيا, استانادا ۇيىمداستىرىلىپ وتىرعان, بۇل شارانىڭ ماڭىزى زور. سول سەبەپتى, مۇنى ەلىمىزدىڭ ءاربىر تۇرعىنى تاماشالاسا, ارتىقتىق ەتپەيدى دەپ بىلەمىن. الايدا, كوپشىلىگىمىزدىڭ وعان مۇمكىندىگىمىز بولا بەرمەيتىنى تاعى راس. وسى ورايدا, تۇرمىسى تومەن, كوپ بالالى, ماتەريالدىق جاعىنان از قامتىلعان وتباسى بالالارىنا 500 بيلەت الىپ بەرگەندى ءجون كوردىك. شارا بىتكەنشە تاعى دا ءجۇز شاقتى جەتكىنشەكتى جولپ ۇلىمەن, تاعام-سۋسىندارىمەن, جاتىن ورىندارىمەن قامتىپ, ەلورداعا اكەلسەك دەگەن ويىمىز بار. – كوپكە شاراپاتى تيگەن وزگە شارۋالارىڭىزدان تام-تۇمداپ ايتا كەتسەڭىز. – بيىلدىققا 600-گە جۋىق وتباسىنا ازىق-ت ۇلىك پاكەتتەرىن ۇسىندىق. ولاردىڭ قاتارىنداعى مۇمكىندىگى شەكتەۋلى جاندار وزدەرىنە قاجەت پروتەزدەرىن سۇراتسا, قارجىلاي جاردەمدەسۋدى وتىنگەندەرگە كەرەك سومالارىن بەردىك. بۇدان بولەك, بوكس, كۇرەس, ەرەجەسىز جەكپە-جەك سىندى سپورت تۇرلەرىنەن قازاقستان, ازيا چەمپيوندارىنا دەمەۋشىلىك جاسادىق. جۇمىسشىلارىمىزدىڭ الەۋمەتتىك احۋالىن دا نازاردان تىس قالدىرعان ەمەسپىز. ولاردىڭ ۋاقىتىندا ەمدەلۋىنە, مەرەكە كەزدەرىندە سىياقى الۋىنا, جالاقىلارىن كەشىكتىرمەۋگە بارىنشا كۇش سالامىز. مەملەكەت قازىناسىنا تۇسەتىن سالىعىمىزدى دا ۋاقىتىنان كەشىكتىرگەن ەمەسپىز. ورايى كەلگەندە ماقتانا سالايىن, وسىنداي جانە وزگە دە قايىرىمدىلىق شارالارىمىزدى ەسكەرسە كەرەك, وتكەن جىلى الماتى قالاسى اكىمدىگى مەن «نۇر وتان» پارتياسى فيليالىنىڭ ۇسىنىسىمەن «التىن جۇرەك» ۇلتتىق قوعامدىق سىيلىعىن ەنشىلەدىك. باسقا دا كوپتەگەن العىس حاتتارمەن ماراپاتتالعانىمىز بار. ارينە, يگىلىكتى ىستەرىمىزدى ماراپات الايىق دەپ ىستەمەيمىز عوي, ونى كوپتىڭ باعاسى, راحمەتى دەپ ۇقتىق. – ءوندىرىس – ەل ەكونوميكاسىنىڭ نەگىزگى تىرەگى. سوڭعى جىلدارى مەملەكەت تاراپىنان وسى سالانى قولداۋ ماقساتىندا بولىنەتىن قاراجات تا ەسەلەپ وسكەن. ەلباسى نۇرسۇلتان نازارباەۆتىڭ قازاقستان حالقىنا ارنالعان جولداۋلارىندا دا شاعىن جانە ورتا كاسىپكەرلىكتى ىلگەرىلەتۋ, دامىتۋ ماسەلەلەرى ءسوز بولىپ, قارجىلاندىرۋ ءىسىن جۇيەلەندىرۋ تاپسىرىلدى. «بيزنەستىڭ جول كارتاسى-2020» باعدارلاماسى – ءسوزىمىزدىڭ ناقتى دالەلى. ەندى ءوزىڭىز باسقارىپ وتىرعان جشس جايىندا بىلسەك. – «MetallPromGroup» جشس وسىدان سەگىز جىل بۇرىن ىرگە قالاعان. كومپانيا بىرنەشە جىل بويى جوعارى ساپالى بولات قورىتىپ قانا قويماي, وتاندىق شيكىزاتتى پايدالانىپ, مەتالل يلەۋ نارىعىندا ءونىمدى جۇمىس ىستەدى. بۇگىندە شارۋامىزدى جولعا قويىپ, ءپروفيلدى, شارشى جانە دوڭگەلەك قۇبىرلار, ءپروفيلدى توسەم, بۇرىشتاۋشى كراب, مىرىشتالعان تەگىس جابىن, سىلاق تورى سىندى, اسىرەسە, قۇرىلىسقا قاجەت تەمىر-تەرسەكتەر وندىرەمىز. ءاۋ باستا ون ادامنان تۇراتىن ۇجىم مۇشەلەرى قازىرگى تاڭدا 130-عا جەتتى. ولاردىڭ قاتارىندا ون بەس ۇلتتىڭ وكىلى بار. العاشقى جىلدارى اي سايىن 500 توننا ءونىم وندىرەتىن بولساق, قازىر 3500 تونناعا جەتكىزدىك بۇل كورسەتكىشتى. ونىمدەرىمىزدى قازاقستاننىڭ 13 قالاسىنا جىبەرەمىز. ال شەت مەملەكەتتەردەن قىرعىزستان, تاجىكستان جانە وزبەكستان رەسپۋبليكالارىنا ەكسپورتتايمىز. استاناداعى ەكسپو قالاشىعىنىڭ قۇرىلىسىنا جاراعان مەتالداردىڭ ءبىرشاماسى دا ءبىزدىڭ ونىمدەرىمىز. بۇگىنگى قازاقستاندا بيزنەسكە قولداۋ جوعارى ەكەنى راس. ەرىنبەگەن جان ەسەلەپ تابىس تاباتىنىنا كۇمانىم كەم. ويتكەنى, ەلباسىمىز كاسىپكەرلىكتىڭ قاي سالاسىنا دا كەڭىنەن جول اشىپ قويدى. بىزگە وسى مۇمكىندىكتى بارىنشا پايدالانۋ قاجەت. P.S. ءسوز سوڭىندا ايتا كەتەر ءبىر جايت, ون ءتورت بالا ءوسىرىپ, تاربيەلەپ وتىرعان دولكۋنتاي ابدۋلحاليل ولاردىڭ ۇشەۋىن بالالار ۇيىنەن اسىراپ العان ەكەن. بارلىعىن تەڭ دارەجەدە باعىپ-قاعىپ, ءبىلىم الۋلارىنا جاعداي جاساۋدا. وسى ءىسى دە وزگە قالتالى جاندارعا ايرىقشا ۇلگى بولاتىن قاسيەت. زامانداستارىمىز ساۋاپتى شارۋانى جالعاي كەتسە, قانەكەي!..
اڭگىمەلەسكەن اسحات رايقۇل, «ەگەمەن قازاقستان»