ب. بەكنازاروۆ «ەكسپو-2017» حالىقارالىق كورمەسىنە قاتىسقانى ءۇشىن فرانتسۋز باسشىلىعىنا ريزاشىلىعىن ءبىلدىردى جانە 21 ماۋسىمداعى وسى ەلدىڭ ۇلتتىق كۇنىنىڭ تابىستى وتۋىمەن قۇتتىقتادى.
سەنات توراعاسىنىڭ ورىنباسارى فرانتسيا قازاقستاننىڭ ەۋروپالىق وداقتاعى ماڭىزدى ساياسي ءارى ەكونوميكالىق ارىپتەسى ەكەنىن اتاپ ءوتتى.
«ديپلوماتيالىق قاتىناستار ورناعان 25 جىلدا ءبىز ەكىجاقتى قاتىناستاردى ستراتەگيالىق ارىپتەستىك دەڭگەيىنە شىعاردىق», – دەدى ول.
پارلامەنتارالىق ديالوگتىڭ كەلەشەگى تۋرالى پىكىر الماسۋ بارىسىندا ەكى مەملەكەتتىڭ پارلامەنتتەرىندە جۇمىس ىستەيتىن ىنتىماقتاستىق توپتاردىڭ قىزمەتى جوعارى باعالاندى.
ء«بىزدىڭ ەلىمىزدىڭ قوعامدىق جانە ساياسي ومىرىنە فرانتسۋز دەپۋتاتتارىنىڭ زور ىقىلاس اۋدارىپ وتىرعانى قۋانتادى», – دەدى ب. بەكنازاروۆ. ول سونداي-اق ەقىۇ, ەۋروپا كەڭەسى جانە ناتو پارلامەنتتىك اسسامبلەيالارى اياسىندا فرانتسۋز ارىپتەستەرىمەن بايلانىستى دامىتۋعا مۇددەلى ەكەنىن ايتتى.
قازاقستان سەناتى توراعاسىنىڭ ورىنباسارى ءبىزدىڭ ەلىمىز پارلامەنتى جوعارعى پالاتاسىنىڭ كونستيتۋتسيالىق مىندەتتەرى تۋرالى فرانتسۋز دەلەگاتسياسىن حاباردار ەتتى جانە ەلىمىزدەگى ساياسي جانە الەۋمەتتىك-ەكونوميكالىق رەفورمالاردىڭ مازمۇنى تۋرالى ايتىپ بەردى.
ەرۆە مارسەي ەنەرگەتيكا جانە «جاسىل» ەكونوميكا سالاسىنداعى يننوۆاتسيالىق شەشىمدەردى الەمگە تانىستىرعان «ەكسپو-2017» كورمەسىنىڭ ماڭىزدى ءرولىن اتاپ ءوتتى.
ونىڭ پىكىرىنشە, قازاقستان مەن فرانتسيانىڭ زاڭ شىعارۋ ورگاندارى ەكى مەملەكەتتىڭ ءوزارا تۇسىنىستىك پەن ىنتىماقتاستىعىن نىعايتۋعا ەلەۋلى ۇلەس قوسا الادى.