كەزدەسۋ اياسىندا قازىناشىلىق وپەراتسيالار سالاسىنداعى قىزمەتتەر مەن ينۆەستيتسيالىق بانكينگتى دامىتۋ, «JPMorgan Chase» قىزمەتىنىڭ قازىرگى جاعدايى مەن قازاقستاندا جۇرگىزەتىن جۇمىستارىنىڭ الداعى جوسپارلارى قارالدى. يا.تاۆروۆسكي ۇكىمەتتە قابىلدانىپ جاتقان شارالار, سولاردىڭ ىشىندە, جەكەشەلەندىرۋ ۇدەرىسى قازاقستان نارىعىنىڭ ينۆەستيتسيالار سالۋعا تارتىمدىلىعىن ارتتىرۋعا وڭ اسەر ەتىپ جاتقانىن ايتىپ ءوتتى. بۇدان وزگە, تاراپتار «استانا» حالىقارالىق قارجى ورتالىعى اياسىنداعى ىنتىماقتاستىق ماسەلەلەرىن تالقىلادى. * * * باقىتجان ساعىنتاەۆ مۇناي-گاز سەكتورىن تەحنولوگيالىق جاڭعىرتۋدى «شەۆرون» ۆيتسە-پرەزيدەنتىمەن تالقىلادى. تاراپتار اتالعان جوبا قازاقستان ەكونوميكاسىنىڭ تۇراقتى دامۋىنا, سونداي-اق تشو-نىڭ بارلىق سەرىكتەستەرىنە وڭ مۋلتيپليكاتيۆتى اسەر بەرەتىنىن اتاپ ءوتتى. «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىندا بەكىتىلگەن مەملەكەت باسشىسىنىڭ تاپسىرمالارىن ىسكە اسىرۋ اياسىندا مۇناي-گاز سەكتورىن تەحنولوگيالىق جاڭعىرتۋعا ەرەكشە كوڭىل ءبولىندى. سونىمەن قاتار, تاراپتار استانادا ءوتىپ جاتقان ەكسپو-2017 كورمەسىن تالقىلادى. * * * باقىتجان ساعىنتاەۆ Polpharma وكىلىمەن فارماتسەۆتيكالىق ىنتىماقتاستىقتى دامىتۋ كەلەشەگىن تالقىلادى. كەزدەسۋ بارىسىندا ە.ستاراك Polpharma S.A. كومپانياسىنىڭ قازاقستاندا جۇرگىزەتىن جۇمىستارىنىڭ الداعى جوسپارلارى تۋرالى ايتتى. تاراپتار فارماتسەۆتيكا سالاسىنداعى ىنتىماقتاستىقتى دامىتۋ مەن وعان قولداۋ كورسەتۋ ماسەلەلەرىن تالقىلادى.
باقىتجان ساعىنتاەۆ «JPMorgan Chase» باسقارۋشى ديرەكتورى يا. تاۆروۆسكيمەن قارجىلىق ىنتىماقتاستىق ماسەلەلەرى بويىنشا كەزدەستى, دەپ حابارلادى پرەمەر-ءمينيستردىڭ باسپاسوز قىزمەتى.