قازىرگى ۋاقىتتا جانۋارلاردى قورعاۋ بويىنشا قوعامدىق ۇيىمدارمەن, بەسلەندىلەرمەن بىرگە جانۋارلاردى ۇستاۋ جانە اۋلاۋ ەرەجەسىنە وزگەرىستەر ەنگىزىلدى. قازىر ولقولدانىستاعى زاڭناماعا سايكەس ءتيىستى مەكەمەلەر مەن ۆەدومستۆولاردىڭ كەلىسىمىنە جىبەرىلدى.
نەگىزگى وزگەرىستەر ۇستاپ الىنعان جانۋارلاردى 3 كۇننەن 60 كۇنگە دەيىن ۇزارتۋ, اۋلاۋ قىزمەتى ۇستالعان قاڭعىباس جانۋارلاردى ءۇشىنشى تاراپقا بەرۋگە رۇقسات بەرۋ, اۋلاۋ قىزمەتىنىڭ اۋماعىنا ەرىكتىلەرگە ەركىن كىرۋگە مۇمكىندىك جاساۋ قاراستىرىلعان.
جاقىن كۇندەرى اتالعان وزگەرىستەرگە اكىم قول قويادى جانە ەلوردالىق ءماسليحاتتىڭ بەكىتۋىنە جىبەرىلەدى.
بۇدان بولەك, «استانا ۆەتسەرۆيس» شجق مكم ديرەكتورى باسقا جۇمىسقا اۋىسۋىنا بايلانىستى قىزمەتىنەن بوساتىلدى. مەكەمەنىڭ شتاتىنا جانۋارلاردى اۋلاۋ جانە ۇستاۋ بويىنشا ورىنباسارى قىزمەتى ەنگىزىلدى. ول لاۋازىمعا جانۋارلاردى قورعاۋ بويىنشا ەرىكتىلەر-بەلسەندىلەر قاتارىنان ۆەتەريناريا سالاسىندا تاجىريبەسى بار ادام تاڭدالدى. قازىرگى ۋاقىتتا ولار قۇجاتتار جيناستىرىپ جاتىر.
العاش رەت جەرگىلىكتى بيۋدجەتتەن يتتەر مەن مىسىقتار ۇستاۋعا ارنالعان قاۋمالدار ساتىپ الۋ ءۇشىن جانە جانۋارلاردى ستەريلدەۋگە قاراجات ءبولىندى. قازىرگى ۋاقىتتا مەملەكەتتىك ساتىپ الۋ وتكىزۋ شارالارى جۇرگىزىلۋدە.