ەقىۇ مەملەكەتتەرىنىڭ جوعارى وكىلدەرى, سونداي-اق اسەان, اسەم جانە ت.ب. سەرىكتەس مەملەكەتتەردەن شاقىرىلعان قوناقتارى قاتىسقان فورۋمدى گەرمانيانىڭ ەقىۇ-عا توراعالىق بويىنشا فەدەرالدىق ۇكىمەتىنىڭ ارنايى ۋاكىلى گەرنوت ەرلەر مەن ەقىۇ حاتشىسى لامبەرتو زانەر اشتى.
ء«وزارا بايلانىس پەن ايماقتىق ەكونوميكالىق سەرىكتەستىك» تاقىرىبىنداعى پانەلدىك سەسسياسىندا سويلەگەن ءسوزى بارىسىندا ر. ۆاسيلەنكو تىڭداۋشىلاردى قازاقستاننىڭ حالىقارالىق باستامالارىمەن جانە جەتەكشى حالىقارالىق ەكونوميكالىق قاۋىمداستىقتار مەن ۇيىمدار شەڭبەرىندەگى ىنتىماقتاستىقتىڭ باستاپقىلىقتارىمەن تانىستىرىپ, مەملەكەتتىڭ ترانزيتتىك-كولىكتىك مۇمكىندىكتەرىمەن جانە كولىك پەن ەنەرگەتيكالىق جولدارىن ءارتاراپتاندىرۋ مانماتىنىندە جاڭا مۇمكىندىكتەرىنىڭ ماعىناسىن اشتى.
ورتالىق ازيانىڭ ەڭ ءىرى الەمدىك نارىقتارى اراسىنداعى سترەگيالىق كوپىر رەتىندەگى تاريحي ءرولىن, سونداي-اق ايماقارالىق جانە حالىقارالىق ەكونوميكالىق ينتەگراتسيانى نىعايتۋ قاجەتتىلىگىن اتاپ ءوتىپ, قازاقستاندىق ديپلومات فورۋمعا قاتىسۋشىلاردى قازاقستاندا ىسكە اسىرىلىپ جاتقان كولىكتىك ينفراقۇرىلىمدى دامىتۋ سالاسىنداعى جوبالار تۋرالى حاباردار ەتتى. بۇل رەتتە ەكونوميكالىق جاعىمدىلىق پەن مەملەكەت ارقىلى وتەتىن شىعىس-باتىس جانە سولتۇستىك-وڭتۇستىك ترانزيتتىك جولدارىنىڭ پراكتيكالىق تيىمدىلىگىنە اسا نازار اۋدارىلدى.
سونىمەن قاتار, ورتالىق ازيانىڭ ترانزيتتىك الەۋەتىن ودان ءارى دامىتۋ تۇرعىسىنان ەۋرازيالىق ەكونوميكالىق وداقتىڭ, جاقىندا كەڭەيتىلگەن شانحاي ىنتىماقتاستىق ۇيىمى سياقتى ۇيىمداردىڭ الەۋەتىن تارتۋدىڭ, سونداي-اق ورتالىق ازيا ەلدەرى مەن ەۋروپالىق وداق, جاپونيا, وڭتۇستىك كورەيا مەن امەريكا قۇراما شتاتتارى اراسىنداعى ديالوگتىق فورماتتارىنىڭ ماڭىزدىلىعى اتاپ ءوتىلدى.
ر. ۆاسيلەنكو قازاقستان پرەزيدەنتى ن.ءا. ناارباەۆتىڭ باستاماسىمەن ازيا ءوزارا ءىس-قيمىل جانە سەنىم شارالارى جونىندەگى كەڭەستىڭ (اوسشك) باسىمدىقتارىن اتاپ ءوتىپ, وسى بيىل 25 جىل تولاتىن اوسشك نەگىزىندە ازياداعى قاۋىپسىزدىك پەن دامۋ ۇيىمى (اقدۇ) قۇرۋ بويىنشا ۇسىنىستاردىڭ ماڭىزدى ەكەندىگىن اتادى.
بەرلينگە جاساعان ساپارى بارىسىندا قازاقستاندىق ديپلوماتىنىڭ گفر ءسىم ورتالىق جانە شىعىس ەۋروپا ەلدەرىنىڭ ۋاكىلەتتىسى اندرەاس پەشكەمەن جانە گفر ەكونوميكا جانە ەنەرگەتيكا ءمينيسترىنىڭ ورىنباسارى ەكحارد فرانتسپەن بولعان ەكىجاقتى كەزدەسۋلەرىندە ەكىجاقتى قازاقستان-گەرمانيا قارىم-قاتىناستارىنىڭ ەلەۋلى ماسەلەلەرى جانە جاقىن ارادا بولاتىن گەرمانيا فەدەرالدىق پرەزيدەنتى فرانك-ۆالتەر شتاينمايەردىڭ استانا قالاسىنا رەسمي ساپارىنىڭ مازمۇندى اسپەكتىلەرى تالقىلاندى.