زاڭ جوباسى مەملەكەتتىك ءبىلىم بەرۋ جيناقتاۋ جۇيەسى سالاسىنداعى قاتىناستاردى قۇقىقتىق رەتتەۋدى جەتىلدىرۋ ماقساتىندا ازىرلەنگەن.
زاڭ جوباسىمەن «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسىنە, قىلمىستىق-پروتسەستىك كودەكسكە جانە ء«بىلىم تۋرالى», «مەملەكەتتىك ءبىلىم بەرۋ جيناقتاۋ جۇيەسى تۋرالى», «ەڭ تومەن الەۋمەتتىك ستاندارتتار جانە ولاردىڭ كەپىلدىكتەرى تۋرالى», «تولەمدەر جانە تولەم جۇيەلەرى تۋرالى» زاڭدارعا وزگەرىستەر مەن تولىقتىرۋلار ەنگىزىلەدى.
ەنگىزىلەتىن وزگەرىستەر مەن تولىقتىرۋلار مەملەكەتتىك ءبىلىم بەرۋ جيناقتاۋ جۇيەسىنە قاتىسۋشى-بانكتەر قىزمەتىن رەتتەۋگە جانە سالىمشىلاردىڭ قۇقىعىن قورعاۋعا باعىتتالعان. بالالاردىڭ قۇقىقتارىن قورعاۋ جونىندەگى ۋاكىلەتتى ورگاننىڭ سالىمشىلاردىڭ باسىم ساناتتارى بويىنشا اقپارات ۇسىنۋ جونىندەگى قۇزىرەتىن ايقىنداۋ ارقىلى باسىم سانات بويىنشا (جەتىم بالالار مەن اتا-اناسىنىڭ قامقورلىعىنسىز قالعان بالالار) مەملەكەت سىيلىقاقىسىن الۋ قۇقىعىن ىسكە اسىرۋ كوزدەلگەن. سالىمشىلاردىڭ قارىزىن ءبىلىم بەرۋ جيناقتاۋ بانكتىك شوتتارداعى اقشاعا تىيىم سالۋعا نەمەسە ول جيناقتاعى قارىزدى ءوندىرىپ الۋعا تىيىم سالۋ كوزدەلىپ وتىر.
ء «بىلىم تۋرالى» زاڭعا «جان باسىنا شاققانداعى قارجىلاندىرۋ ءنورماتيۆى» دەگەن جاڭا ۇعىم ەنگىزىلەدى, بۇل – ءبىلىم بەرۋدىڭ بارلىق دەڭگەيلەرىندەگى مەملەكەتتىك كەپىلدەندىرىلگەن وقىتۋ قۇنىنىڭ قارجىلىق قامسىزداندىرىلۋ ءنورماتيۆى. «مەملەكەتتىك ءبىلىم بەرۋ تاپسىرىسى» ۇعىمىنا ورتا ءبىلىم بەرۋ جونىندەگى كورسەتىلەتىن قىزمەتتەر كولەمى ەنگىزىلگەن.
كوميتەت توراعاسى بىرعانىم ءايتىموۆا تالقىلاۋدى قورىتىندىلاي كەلىپ, زاڭ جوباسىنىڭ الەۋمەتتىك ماڭىزى زور ەكەنىن اتاپ ءوتتى. سەناتوردىڭ ايتۋىنشا, قازىرگى ۋاقىتتا ەلىمىزدە ءبىلىم بەرۋ جيناقتاۋ جۇيەلەرى 3 ميلليون وقۋشىنىڭ 17,5 مىڭى عانا قامتىلعان. ەندى مەملەكەت پەن بانكتەر, ەلىمىزدە جانە شەتەلدە بالالار مەن جاستاردىڭ ءبىلىم الۋىن قارجىلاندىرۋعا مۇمكىندىك بەرەتىن قوسىمشا سالىمدار كەپىلدىكتەرىن قامتاماسىز ەتەدى. ب.ءايتىموۆانىڭ ايتۋىنشا, مۇنداي جۇيە ءبىزدىڭ بالالارىمىزدىڭ بولاشاعىنا باعىتتالعان. جاڭا ەنگىزىلىمنىڭ ءاربىر وتباسىنا اسەرى بولارى انىق. سوندىقتان كوميتەت باسشىسى مەملەكەتتىك ورگانداردى, قوعامدىق ۇيىمدار مەن بۇقارالىق اقپارات قۇرالدارىن قابىلدانعان ەرەجەلەردىڭ ءمان-ماڭىزىن حالىققا جان-جاقتى تۇسىندىرۋگە شاقىردى.
زاڭ جوباسى پالاتا قاراۋىنا جىبەرىلدى.