وڭتۇستىك قازاقستان وبلىسىندا 32964 تۇلەك وقۋىن اياقتاسا, ونىڭ 21668-ءى جوعارى وقۋ ورنىنا ءتۇسۋ ءۇشىن سىناق تاپسىرۋعا نيەت بىلدىرگەن. ياعني,78,2 پايىزى ۇبت تاپسىرۋعا ءوتىنىش بەرگەن. وسىنىڭ ىشىندە بۇگىن 4278 تۇلەك سىناق تاپسىرىپ وتىر. ۇبت 20-27 ماۋسىم ارالىعىندا 4 لەكتە وتكىزىلەتىن بولادى.
بيىل تۇلەكتەر جاڭارتىلعان فورماتتا سىناق تاپسىرۋدا. وقۋشىلار 5 ءپان بويىنشا 120 سۇراققا جاۋاپ بەرۋى ءتيىس. ولاردىڭ ىشىندە 3 نەگىزگى ءپان بولسا, تاعى ەكەۋىن وقۋشىنىڭ ءوزى تاڭداۋعا قۇقىلى.
جالپى وبلىستاعى 16 ۇلتتىق بىرىڭعاي تەستىلەۋ پۋنكتەرى بارلىق تالاپتارعا ساي جابدىقتالعان. ولاردىڭ تورتەۋى جوعارى وقۋ ورىندارىنىڭ بازاسىندا بولسا, ۇشەۋى اۋدان ورتالىقتارىنداعى كوللەدج بازاسىندا, ال توعىزى جالپى ورتا مەكتەپتەرىندە ورنالاسقان.
ءاربىر ۇلتتىق بىرىڭعاي تەستىلەۋ وتكىزۋ پۋنكتتەرىندە 10-14 اۋديتوريا دايارلانعان, تەستىلەۋ پۋنكتتەرى 222 ۇيالى تەلەفون سيگنالدارىن تۇنشىقتىرعىشتارمەن جابدىقتالعان. بيىلعى جىلى مينيسترلىكتىڭ تاپسىرماسىنا سايكەس 126 جاڭا ۇلگىدەگى 4G جيىلىكتەگى تۇنشىقتىرعىشتار ساتىپ الىندى.
سونىمەن قاتار, تەستىلەۋ پۋنكتتەرىندە 25 رامالى مەتالىزدەگىشتەر, 207 سالقىنداتقىشتار, تەستىلەۋ كەزىندە بەينەجازبا جۇرگىزۋ ماقساتىندا 70 بەينەتىركەگىشتەر ورنالاستىرىلعان.