پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ ۇكiمەتi جانە وزبەكستان رەسپۋبليكاسىنىڭ ۇكiمەتi اراسىنداعى قازاقستان-وزبەك مەملەكەتتiك شەكاراسى ارقىلى وتكiزۋ پۋنكتتەرi تۋرالى كەلiسiمگە 2006 جىلعى 4 قىركۇيەكتەگى حاتتاماعا وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسى قارالدى.
حاتتامامەن ەلىمىزدىڭ بەينەۋ ستانتسياسىنداعى تەمىرجول وتكىزۋ بەكەتىن وازيس ستانتسياسىنا اۋىستىرۋ كوزدەلىپ وتىر. سونداي-اق, قاپلانبەك, قازىعۇرت جانە اتامەكەن اۆتوموبيل وتكىزۋ بەكەتتەرىنە حالىقارالىق (كوپجاقتى) مارتەبە بەرىلىپ, تاۋلىك بويى جۇمىس ىستەيتىن تارتىپكە كوشەدى.
ودان باسقا, تەك جەڭىل اۆتوكولىكتەرگە ارنالعان تسەليننىي جانە سىرداريا ەكىجاقتى (مەملەكەتارالىق) وتكىزۋ بەكەتتەرى اشىلادى. بۇل بەكەتتەرىندەن جۇك پەن كوممەرتسيالىق ماقساتتاعى تاۋار وتكىزىلمەيدى جانە كەدەندىك راسىمدەر اياسىنداعى تاۋارعا بايلانىستى كەدەندىك وپەراتسيالار جۇزەگە اسىرىلمايدى.
زاڭ جوباسى پالاتانىڭ قاراۋىنا جىبەرىلدى.