حالىقارالىق ەحرو كورمەسى اياسىندا وتەتىن كەش وعان جاقسى مۇمكىندىك ۇسىنىپ وتىر. بىرەۋ بىلسە, بىرەۋ بىلمەس, ءدال وسى ديماش نيازوۆ نيۋ-يوركتىڭ قازاق پوليتسياسى دەگەن اتپەن كەڭىنەن تانىمال.
مۇحيتتىڭ ارعى جاعىندا تۇراتىن جەرلەسىمىز ديماش نيازوۆ كاسىپقوي رينگتە 11 كەزدەسۋ وتكىزىپ ۇلگەردى جانە بارلىعىندا جەڭىسكە جەتتى. اسىرەسە دەترويتتا بولعان جەكپە-جەك كوپشىلىكتىڭ ەسىندە ەرەكشە ساقتالىپ قالدى. ويتكەنى ول دومينيكاندىق قارسىلاسىن 5-راۋندتا جويقىن سوققىسىمەن نوكاۋتقا جىبەردى.
- بوكسپەن ەڭ العاش قازاقستاندا اينالىسا باستادىم. باپكەرىم نۇرعالي سافيۋللين بولاتىن. قازىر ول وليمپيادالىق قۇرامانى دايىندايدى. مىنە, سول ىرگەتاستىڭ ارقاسىندا بوكس الەمىنە جاقسىلاپ سىڭىسە الدىم. قازىرگى جەڭىستەرىمنىڭ بارلىعىن قازاقستاندىق مەكتەپپەن جانە قاندا بار قاسيەتىمىزبەن بايلانىستىرامىن. استاناداعى كەزدەسۋ قىركۇيەك ايىندا وتەدى. قانات يسلامنىڭ بوكس كەشىندە مەن دە ونەر كورسەتەتىن بولدىم. وتە قۋانىشتىمىن. قازىر ەلوردا قاتتى وزگەرگەن. حالىقارالىق ەحرو كورمەسى ءوتىپ جاتىر. مىنە, وسىنىڭ اياسىندا مەن دە قارسىلاسىمدى جەڭىپ, حالقىما ەرەكشە اسەر سىيلاعىم كەلەدى, - دەدى ديماش نيازوۆ.
ايتا كەتەيىك, ديماش نيازوۆ نيۋ-يوركتە ءتارتىپ ساقشىسى قىزمەتىن اتقارادى جانە جاي عانا پوليتسەي ەمەس, بەيبىت زاماننىڭ باتىرى. بىرنەشە رەت قاۋىپتى قىلمىسكەرلەردىڭ جولىن كەسىپ, ارنايى ماراپات الدى.