قازاقستان قارۋلى كۇشتەرىنىڭ جانە ۇقشۇ-عا قاتىسۋشى مەملەكەتتەردىڭ وفيتسەرلەر كورپۋسى قاتارىن 100-دەن اسا ماگيسترانت تولىقتىردى. قازىرگى ۋاقىتتا ۇلتتىق قورعانىس ۋنيۆەرسيتەتى ۇقشۇ-عا مۇشە مەملەكەتتەردىڭ قارۋلى كۇشتەرى ءۇشىن اسكەري كادرلاردى بىرلەسىپ دايارلاۋ جونىندە وقۋ ورىندارىنىڭ تىزبەسىنە ەنگىزىلدى جانە بۇگىندە تۇلەكتەر اراسىندا ارمەنيا, قىرعىزستان جانە تاجىكستان رەسپۋبليكالارىنىڭ وكىلدەرى بار.
«اسكەري كادرلاردى دايارلاۋ ەرەكشە مەملەكەتتىك ماڭىزدى ءىس بولىپ تابىلادى. سوندىقتان سىزدەر, ياعني, ۇلتتىق قورعانىس ۋنيۆەرسيتەتىنىڭ تۇلەكتەرى زامان تالابىنا ساي جانە كوشباسشىلىق قاسيەتتەرگە يە بولىپ, اسكەري قىزمەتتىڭ بارلىق سالالارىندا باعىت-باعدارلارىڭىز بار ۇزدىك مامان اتانۋعا تيىسسىزدەر. ۋنيۆەرسيتەت قابىرعاسىندا ءارتۇرلى اۋقىمداعى وپەراتسيالاردى ءساتتى جوسپارلاۋعا, بىرلەستىكتەردى, قۇرامالار مەن اسكەري بولىمدەردى مىقتى باسقارۋعا مۇمكىندىك بەرەتىن تەرەڭ ءبىلىم الدىڭىزدار», – دەدى گەنەرال-پولكوۆنيك س.جاسۇزاقوۆ.
قازىرگى ۋاقىتتا ۇلتتىق قورعانىس ۋنيۆەرسيتەتى قازاقستاننىڭ اسكەري ءبىلىم بەرۋ ىسىندە كوشباسشى سانالادى. وندا تىڭداۋشىلار مەن وقىتۋشىلاردىڭ ۇتقىرلىعىنا, جوعارى جانە جوعارى وقۋ ورنىنان كەيىنگى بارلىق دەڭگەيلەر مەن دارەجەلەر ساباقتاستىعىن قامتاماسىز ەتۋگە ماڭىز بەرىلەدى. سونداي-اق, ءبىلىم باعدارلامالارىن جۇزەگە اسىرۋدا وزىق وقىتۋ ادىستەرى قولدانىلادى.
«ەگەمەن-اقپارات»