يندونەزيا رەسپۋبليكاسىنىڭ ۆيتسە-پرەزيدەنتى يۋسۋف كاللامەن كەزدەسۋ بارىسىندا ا. قامالدينوۆ 2017 جىلعى 10-11 قىركۇيەكتە استانادا وتەتىن عىلىم جانە تەحنولوگيالار جونىندەگى يسلام ىنتىماقتاستىق ۇيىمىنىڭ العاشقى سامميتىنە قاتىسۋعا يندونەزيا پرەزيدەنتى جوكو ۆيدودوعا ارنالعان قازاقستان پرەزيدەنتى نۇرسۇلتان نازارباەۆتىڭ شاقىرۋ حاتىنىڭ تۇپنۇسقاسىن تابىستادى. بۇل رەتتە, باستى تاقىرىپقا قاراماستان, ءسامميتتى وتكىزۋدىڭ نەگىزگى يدەياسى بەيبىت پەن جالپىعا بىردەي قاۋىپسىزدىكتى قامتاماسىز ەتۋ ماقساتىندا يىۇ-دىڭ بارلىق مۇشە-مەملەكەتتەرىن بىرىكتىرۋ بولىپ تابىلاتىندىعىن ايتتى.
تاياۋ شىعىستاعى سوڭعى وقيعالاردى ەسكەرە وتىرىپ, ۆيتسە-پرەزيدەنت الداعى ءسامميتتى وتە ۋاقىتىلى جانە قاجەتتى دەپ اتادى. بۇل رەتتە وڭىردەگى احۋالدى تۇراقتاندىرۋ ماقساتىندا قازاقستان جۇمساپ كەلە جاتقان كۇش جىگەرلەرىنە يندونەزيانىڭ قولداۋىن ءبىلدىرىپ, سونداي-اق تەرروريزم, ەكسترەميزم جانە راديكاليزم سەكىلدى جالپى سىن-تەگەۋرىندەر مەن قاۋىپتەرگە قارسى تۇرۋ ءۇشىن يسلام الەمىنىڭ ەلدەرى بىرىگۋگە قاجەتتى ەكەندىگىنە ورتاقتاساتىندىعىن ايتتى. شاقىرۋ حاتتى يندونەزيا پرەزيدەنتىنە تاپسىراتىندىعىنا جانە الداعى سامميتكە ونىڭ قاتىسۋىن قامتاماسىز ەتۋ ءۇشىن بار كۇش جىگەرىن جۇمسايتىندىعىنا سەندىردى.
ارنايى وكىل قازاقستانداعى سوڭعى ماڭىزدى ءىس-شارالار, اسىرەسە وتكەن شىۇ ءسامميتى مەن جۋىردا اشىلعان «ەكسپو-2017» حالىقارالىق مامانداندىرىلعان كورمەسى جونىندە ۆيتسە-پرەزيدەنتتى حاباردار ەتتى. ورايلى ءساتتى پايدالانا وتىرىپ, يندونەزيالىق تاراپتى كورمەگە قاتىسۋعا شاقىردى. كورمە ەكىجاقتى ىنتىماقتاستىقتى كەڭەيتۋ ءۇشىن ءتيىمدى پلاتفورما رەتىندە بولا الاتىندىعىنا نازار اۋداردى.
ساياسي كونسۋلتاتسيالار بارىسىندا ا. قامالدينوۆ پەن يندونەزيالىق دەلەگاتسياسىنىڭ بپسشىسى سىرتقى ىستەر مينيسترلىگىنىڭ ازيا – تىنىق-مۇحيت ءوڭىرى بويىنشا باس ديرەكتورى د. پەرچايا ساياسي, ەكونوميكا, ينۆەستيتسيا جانە الەۋمەتتىك-مادەني سالالارىنداعى ەكىجاقتى ىنتىماقتاستىق بويىنشا ءبىر توپ ماسەلەلەر, سونداي-اق حالىقارالىق ۇيىمدار اياسىنداعى ەكى ەل اراسىنداعى ءوزارا ءىس-قيمىلدىڭ جاعدايى مەن كەلەشەكتەرىن تالقىلادى. كونسۋلتاتسيالاردىڭ قورىتىندىسى بويىنشا دەلەگاتسيا باسشىلارى ءتيىستى حاتتاماعا قول قويدى.