بىرەر ساعاتتان كەيىن, شامامەن كەشكى ساعات 20:00-دە EXPO-2017 حالىقارالىق كورمەسىنىڭ رەسمي اشىلۋ سالتاناتى باستالادى.
سالتاناتتى شارا «قازاقستان» تەلەارناسىندا, امفيتەاتر مەن كونگرەسس-ورتالىقتا ورنالاسقان ەكرانداردان تىكەلەي ەفيردە كورسەتىلەدى. كورمەنىڭ اشىلۋ ءراسىمىنىڭ الدىندا ءتۇرلى مەملەكەتتەر باسشىلارى «نۇر-الەم» پاۆيلونىنا كەلۋگە ءتيىس.
پرەزيدەنتتەر قازاقستاندىق پاۆيلوندى ارالاپ, ەكسپوزيتسيالارىن تاماشالايدى. 20:00-دە پرەزيدەنتتەر كونگرەسس-ورتالىققا كەلگەننەن كەيىن كەرى ساناۋ ءراسىمى ءوتىپ, سالتاناتتى كورمە اشىلدى دەپ جاريالانادى. «نۇر-الەم» پاۆيلونىندا لازەرلىك شوۋ مەن دروندار ءبيى باستالادى. حالىقارالىق كورمەنىڭ اشىلۋ سالتاناتىنا ارنالعان شارالار ءتۇن ورتاسىنان اۋا اياقتالادى.
ارنۇر اسقار, «ەگەمەن قازاقستان»
سۋرەتكە تۇسىرگەن
ەرلان وماروۆ, «ەگەمەن قازاقستان»