كەزدەسۋ بارىسىندا تاراپتار ساۋدا, ەكونوميكا, ينۆەستيتسيالار, يننوۆاتسيالاردى قولداۋ, ينفراقۇرىلىمدى دامىتۋ, ۆەدومستۆوارالىق جانە ىسكەرلىك بايلانىستاردى جانداندىرۋ سالالارىنداعى ىنتىماقتاستىق پەرسپەكتيۆالارىن, سونداي-اق ليۋكسەمبۋرگ ۇلى گەرتسوگتىگىنىڭ ەكسپو-2017 كورمەسىنە قاتىسۋىن تالقىلادى.
بۇدان وزگە, اەروعارىش سالاسىندا, اتاپ ايتقاندا عارىش كەڭىستىگىنە عىلىمي زەرتتەۋ جۇرگىزۋ, عارىش اپپاراتتارىن جاساۋ جانە پايدالانۋ, جەرسەرىكتىك بايلانىس جانە ناۆيگاتسيا اياسىندا ەكىجاقتى بايلانىستى نىعايتۋ ماسەلەلەرى قارالدى.
ايتا كەتەيىك, ليۋكسەمبۋرگ حالىقارالىق كورمەلەر بيۋروسىنىڭ مۇشەسى ەمەس. الايدا 2017 جىلعى 10 اقپاندا ليۋكسەمبۋرگتىڭ پرەمەر-ءمينيسترى ك. بەتتەلدىڭ تاپسىرماسىمەن, «استانا ەكسپو-2017» كورمەسىنىڭ اكىمشىلىگىنە ليۋكسەمبۋرگتى قاتىسۋشى رەتىندە تىركەۋ وتىنىشىمەن حات جولداندى.
ليۋكسەمبۋرگ ۇلى گەرتسوگتىگىنىڭ كورمەدەگى ۇلتتىق كۇنى 2017 جىلعى 11 ماۋسىمدا وتەدى.
10 ماۋسىمدا ليۋكسەمبۋرگ ۇلى گەرتسوگتىگىنىڭ پرەمەر-ءمينيسترى كساۆە بەتتەلدىڭ قازاقستانعا جۇمىس ساپارى اياسىندا استانادا بۇل ەلدىڭ قۇرمەتتى كونسۋلدىعىن اشۋ جوسپارلانعان.