سونداي-اق ونىڭ مالىمدەۋىنشە وبلىس ورتالىعىنداعى بىرقاتار ويىنحانالار تۇرعىن ۇيدە ورنالاسقان. ارنايى عيماراتتاعىلاردىڭ وزىنە بەينە كامەرالار ويىلماعان. كۇزەتپەن قامتىلماعان. ون سەگىز جاسقا تولماعان بالالار دا ءباس تىگە بەرەدى. مۇنىڭ ءبارى زاڭعا قايشى دەيدى ە.مابيەۆ.
سولاي بولا تۇرسا دا قۇزىرلى ورگاندارعا ولاردى جابۋعا وكىلەتتىلىك بەرىلمەگەن. سوندىقتان دا ولار تەك اكىمشىلىك جازا بەرۋمەن شەكتەلۋگە ماجبۇر. تاعى ءبىر كوزىمىز جەتكەن جايت ويىن بيزنەسىنىڭ ورتاسىندا جۇرگەندەردى قىلمىس ۇستىندە اشكەرەلەۋ قيىنعا سوعادى ەكەن. مۇنىڭ ءمانىسى ويىنحانالاردىڭ وتە ساق, جاسىرىن ءارى ۇيىمداسقان تۇردە جۇمىس ىستەيتىنىندە بولىپ شىقتى. ارينە مۇنىڭ ءوزى زاڭسىز جۇمىس ىستەيتىن بۋكمەكرلىك كەڭسەلەرگە قاتىستى قىلمىستىق ءىس قوزعالماعان ەكەن دەگەن ويدى بىلدىرمەيدى.
اشىعىن ايتقاندا ايماقتا وتكەن جىلى ويىن بيزنەسىنە قاتىستى قىرىققا جۋىق قىلماستىق ءىس قوزعالعان. الايدا ونىڭ تەك ۇشەۋى عانا سوتتالىپتى. ال بيىلعى بەس ايدا تەك جالعىز ادام عانا ءىستى بولىپتى. «ايران ىشكەندەر» وسىلاي قۇتىلىپ, سىتىلىپ كەتە بەرسە ويىن بيزنەسى كۇندەردىڭ ءبىر كۇنىندە ۇلكەن وپىق جەگىزىپ جۇرمەسە يگى.
تەمىر قۇسايىن,
اقتوبە