وڭىردەگى ىرگەلى كاسىپورىنداردىڭ ءبىرى «قازتسينك» كومپانياسى ءوزىنىڭ 20 جىلدىق مەرەيتويىنا وراي ريددەر قالاسىنىڭ تۇرعىندارىنا وسىنداي تاماشا سىي جاسادى.
شاھار كوشەلەرىنىڭ كوركىن كىرگىزگەن مۇسىندەردى قاراعاندى وبلىسىنىڭ جايرەم اۋىلىندا تۇراتىن شەبەر بالتاش سىرتتانبەكوۆ ءوزىنىڭ شاكىرتتەرىمەن بىرلەسە وتىرىپ جاساپ شىققان كورىنەدى. تەرەك پەن قارا اعاشتان ازىرلەنگەن مۇسىندەردىڭ بيىكتىگى ەكى مەترگە جۋىق.
«ايۋ – بۇل شاھاردىڭ تۇرعىندارىنا تاڭسىق ەمەس. قالانىڭ ماڭىن قورشاعان قالىڭ ورماندى مەكەن ەتەتىن تىرشىلىك يەسىن ريددەرلىكتەر اسىرەسە قىس كەزىندە ءجيى كەزدەستىرەدى. ايۋدى ريددەردىڭ سيمۆولى دەسە دە بولادى. سوندىقتان قالا اكىمدىگىمەن اقىلداسا كەلە شاھار كوشەلەرىنىڭ اجارىن اشا تۇسەيىك دەگەن نيەتپەن ايۋ مۇسىندەرىن ورناتۋدى ءجون دەپ شەشتىك», دەيدى «قازتسينك» جشس-ءنىڭ اكىمشىلىك ماسەلەلەر جونىندەگى اتقارۋشى ديرەكتورى اندرەي لازارەۆ.
ازامات قاسىم, «ەگەمەن قازاقستان»