اقتوبەدە مي ءولىمى دەپ دياگنوز قويىلعان جىگىتتىڭ بۇيرەگى كەزەكتە تۇرعان 1971 جانە 1973 جىلدارى دۇنيەگە كەلگەن ەكى ايەلگە سالىندى. بۇعان ومىردەن وتكەن جىگىتتىڭ تۋىسقاندارى كەلىسىم بەرگەن. اتالعان ەكى ناۋقاس تا بۇعان دەيىن گەمودياليز ورتالىعىندا ەم الىپ كەلىپتى.
«ساراپتامالار سايكەس كەلگەننەن كەيىن بىردەن وتا جاساۋعا كىرىستىك. وتا ءساتتى ءوتتى. قازىر ناۋقاستاردىڭ جاعدايى قالىپتى. ولار دارىگەرلەردىڭ باقىلاۋىندا», دەدى وبلىستىق دەنساۋلىق ساقتاۋ باسقارماسىنىڭ باس حيرۋرگى ەرلان سۇلتانگەرەەۆ.
بۇل وبلىستا جىل باسىنان بەرى ءمايىت ترانسپلانتاتسياسى بويىنشا جاسالعان التىنشى وتا ەكەن. سونداي-اق, قازىرگى كۇنى اقتوبەلىك دارىگەرلەر بۇيرەك اۋىستىرۋ وتاسىن ەشكىمنىڭ كومەگىنسىز وزدەرى جاساپ ءجۇر.
وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆتىڭ ايتۋىنشا بۇعان دەيىن بۇيرەك جانە باۋىر سەكىلدى اعزا مۇشەلەرى اۋىر ناۋقاستاعى ادامعا تەك تۋعان-تۋىسقاندارىنان عانا الىنىپ كەلگەن. ال سوڭعى ۋاقىتتا ءوڭىر تۇرعىندارى ءمايىت دونورلىعىنا دا وڭ كوزقاراس تانىتا باستاپتى.
تەمىر قۇسايىن, «ەگەمەن قازاقستان»