سونىڭ ناتيجەسىندە مىڭنان استام جاڭا جۇمىس ورنى اشىلدى. قازىرگى تاڭدا مۇندا ينۆەستيتسيا كولەمى 101,5 ملرد.تەڭگەنى قۇرايتىن 9 جوبا جۇزەگە اسىرىلۋدا. بۇل جوبالار 2 مىڭنان استام جاڭا جۇمىس ورنىن اشۋعا سەپتىگىن تيگىزبەك.
- «وڭتۇستىك» ارنايى ەكونوميكالىق ايماعىنا مەملەكەتتەن بولىنگەن ءار 1 تەڭگەگە 3,4 تەڭگە جەكە ينۆەستيتسيا تارتىلدى. جالپى, ايماقتا بۇگىنگى تاڭعا دەيىن 18,8 ملرد. تەڭگەگە ءونىم ءوندىرىلىپ, سالىق ءتۇسىمى 1 ملرد. تەڭگەنى قۇرادى. «وڭتۇستىك» ارنايى ەكونوميكالىق ايماعىنا ءارى قاراي ينۆەستورلاردى تارتىپ, مۇمكىندىكتەردى تولىق پايدالانۋ ءۇشىن ەكونوميكالىق ايماقتىڭ قىزمەت ءتۇرىن جانە اۋماعىن قوسىمشا كەڭەيتۋدى جوسپارلاپ وتىرمىز. وبلىس اكىمى جانسەيىت تۇيمەباەۆ وسىلاي دەيدى.
ايتا كەتەيىك, قازىرگى ۋاقىتتا وبلىس اۋماعىندا جالپى كولەمى 699 گەكتار قۇرايتىن 9 يندۋستريالىق ايماق جۇمىس ىستەۋدە. ودان بولەك, قوسىمشا 2 يندۋستريالىق ايماقتا ينفراقۇرىلىم قۇرىلىسى جۇرگىزىلىپ جاتىر.
باقتيار تايجان,
«ەگەمەن قازاقستان».
وڭتۇستىك قازاقستان وبلىسى.