جەرگىلىكتى بيلىكتىڭ مالىمەتىنشە, ءتارتىپ ساقشىلارى ءۇشىنشى جارىلىستىڭ الدىن الىپ قالعان.
لاڭكەستىكتى دايش (قازاقستاندا تىيىم سالىنعان) ۇيىمى ءوز موينىنا الدى. ايتا كەتەرلىگى, اتالعان ۇيىم العاش رەت يراندا تەررورلىق اكت ۇيىمداستىرىپ وتىر.
تەررورلىق ارەكەتتەردىڭ ارتىنشا لاڭكەس ۇيىم وسى وقيعانىڭ بەينەجازباسىن ينتەرنەتتە تاراتقان.
يران اقپارات قۇرالدارىنىڭ مالىمەتىنشە, ءتارتىپ ساقشىلارى پارلامەنت عيماراتىنا جاسىرىنعان ءتورت لاڭكەستىڭ كوزىن جويدى. قازا تاپقان 12 ادامنىڭ قاتارىنا ءتورت لاڭكەستىڭ قوسىلعان-قوسىلماعانى ازىرگە بەلگىسىز.
ينتەرنەتتەگى بەينەجازبادا كورسەتىلگەندەي, ايەل كيىمىندەگى لاڭكەس عيماراتتىڭ نەگىزگى ەسىگىنەن كىرگەن.
اقپارات قۇرالدارىنىڭ مالىمەتىنشە, بۇل تەررورلىق اكت 1979 جىلعى يرانداعى يسلامدىق رەۆوليۋتسيادان بەرگى ەڭ قاندى وقيعالاردىڭ بىرى رەتىندە تىركەلىپ وتىر.