شارانى ۇلت كوشباسشىسى - قر تۇڭعىش پرەزيدەنتى قورى ۇيىمداستىردى. كورمەگە الماتى مەن قاراعاندى قالالارىنىڭ كوزى ناشار كورەتىن بالالارعا ارنالعان ارنايى مەكتەپ-ينتەرناتى تاربيەلەنۋشىلەرىنىڭ جۇمىستارى قويىلعان.
- بۇگىن بىزدە وتە اۋقىمدى جوبا قولعا الىندى ءارى ونىڭ بالالار ءۇشىن ماڭىزى زور. ماعىنالى, ءماندى قادام جاسادىق. باستاما - كوزى ناشار كورەتىن بالالاردى الەۋمەتتىك جاعىنان بەيىمدەپ, ولاردى قوعاممەن بىرىكتىرۋگە باعىتتالىپ وتىر. سونىمەن قاتار, ولاردى سۋرەت ونەرى الەمىنە شاقىرىپ, تالانتتى, كوپقىرلى مۇمكىندىكتەرىن اشۋ, - دەيدى ۇلت كوشباسشىسى - قر تۇڭعىش پرەزيدەنتى قورىنىڭ اتقارۋشى ديرەكتورى قانات جۇماباەۆ.
اعىمداعى جىلدىڭ ءساۋىر ايىندا قر فرانتسيا ەلشىلىگى جانە الماتى قالاسىنداعى فرانتسۋز اليانسىمەن بىرلەسكەن جوبا اياسىندا پرەزيدەنت قورى مەكتەپ-ينتەرناتتىڭ وقۋشىلارىنا سۋرەتكە ءتۇسىرۋ ونەرى بويىنشا فرانتسۋزدىڭ تانىمال سۋرەت شەبەرى ەريك ۆاززولەرمەن شەبەرلىك سىنىبىن ۇيىمداستىردى. جوبا ماقساتى – بالالاردى سۋرەت ونەرىنە باۋلۋ, فوتواپپاراتتار مەن سمارتفوندارعا تۇسىرىلگەن سۋرەتتەر ارقىلى ولاردىڭ ءومىرى جايلى بايانداۋ. بۇدان بولەك, ەريك ورىس ءتىلىن جاقسى مەڭگەرگەن, سايكەسىنشە بالالالارمەن بايلانىسۋدا تىلدىك كەدەرگى بولعان جوق.
سۋرەتشىنىڭ زاعيپ بالالار مەن كوزى ناشار كورەتىندەرگە ارنالعان ارنايى ادىستەمەسى جوق. دەگەنمەن, ول 30 جىلدان بەرى فرانتسيا, گەرمانيا, پولشا جانە تمد ەلدەرىنىڭ وسىنداي ساناتتاعى بالالارىمەن جۇمىس ىستەپ كەلەدى.