يسلام كارىموۆ تۇسىندا اسا ىقپالدى شەنەۋنىكتەردىڭ ءبىرى بولعان رۋستام ءازىموۆ پرەمەر-مينيستر ورىنباسارىى قىزمەتىنەن بوساتىلدى.
وزبەكستان پرەزيدەنتى جارلىعىمەن رۋستام ءازىموۆ «وزبەكينۆەست» ەكسپورت-يمپورت ۇلتتىق ساقتاندىرۋ كومپانياسىنىڭ باسشىسى بولىپ تاعايىندالدى.
ال وزبەكستان ورتالىق بانكى باسشىسى بولىپ بۇرىنعى قارجى مينيسترى ماماريزو نۇرمۇراتوۆ تاعايىندالدى. ەكونوميكالىق رەفورمالار جانە بيۋدجەت بويىنشا سەنات كوميتەتىنىڭ توراعاسى بولعان ول 2006-2017 جىلدار ارالىعىندا ورتالىق بانك توراعاسىنىڭ كەڭەسشىسى قىزمەتىن اتقاردى.
ايتا كەتەيىك, بۇعان دەيىن ورتالىق بانكتى 1991 جىلدان بەرى باسقارعان فايزۋللا مۋللاجانوۆ 67 جاسقا قاراعان شاعىندا مامىر ايىنىڭ سوڭىندا قايتىس بولدى.