توپ باسىندا – تەكەتىرەس

الايدا, ەلوردا كلۋبى ەڭسە تۇسىرمەي, سەنبى كۇنى 15-تۋر اياسىندا وتكەن ماتچتا «اتىراۋدى» 4:0 ەسەبىمەن جەڭدى. ء سويتىپ, «تەمىرجولشىلار» «قايراتپەن» اراداعى ەكى ۇپاي ايىرماشىلىعىن ساقتاپ قالدى. بۇل جەردە «استانانىڭ» ءبىر ويىن­دى كەم وتكىزگەنىن دە ەسەپ­تەن  شىعارماۋ كەرەك. قالاي بولعان كۇندە دە, چەمپيوناتتاعى تەكەتىرەستىڭ قايتا ورالعانىن ايتۋ كەرەك.  «قايرات» بۇل تۋردا قارا­عاندىنىڭ «شاحتەرىن» قا­بىل­داپ, ءۇش دوپ ايىرماسىمەن جە­ڭىسكە جەتتى. بۇگىنگى كۇندە ال­ماتىلىق كلۋب قارسىلاستار قاقپاسىنا گولدى ەڭ كوپ سوققان كوماندا رەتىندە كوزگە ءتۇسىپ تۇر. 17 ويىندا 39 گول – جامان كورسەتكىش ەمەس. بۇل ەكى كوشباسشى كلۋبتان «ورداباسى» دا قالىسار ەمەس. وڭتۇستىكقازاقستاندىقتار وتكەن تۋردا «تارازدىڭ» قاقپاسىنا جاۋ­اپسىز ءۇش گول سوعىپ, ماڭىز­دى ءۇش ۇپايدى قانجىعاعا باي­لادى.  بۇل تۋردا تۋرنير كەستەسىنىڭ ورتا تۇسىنداعى كوماندالار نا­تي­جەسىز ويىن كورسەتتى. ماسە­لەن, «توبىل» مەن «قايسار» جا­نە «ەر­تىس» پەن «وقجەتپەس» ارا­­سىن­داعى ماتچتاردا ەسەپ اشىل­ما­دى. ماۋسىمنىڭ 10-ى كۇنى قا­زاق­ستان ۇلتتىق قۇراماسى الەم چەمپيوناتىنىڭ ىرىكتەۋ كە­زەڭى اياسىندا دانيا كومان­داسى­مەن وينايتىندىقتان, ەل بىرىن­شىلىگىندە ءبىر اپتا ءۇزىلىس بولادى. بۇل تۋرداعى تىركەلگەن نا­تي­جەلەر مىناداي بولدى: «توبىل» – «قايسار» – 0:0 (0:0). «استانا» – «اتىراۋ» – 4:0 (1:0), كابانانگا, 22 (1:0). گراحوۆاتس, 62 –پەنال­تيدەن (2:0). تۆۋماسي, 66 (3:0). كابانانگا, 73 (4:0). «ور­داباسى» – «تاراز» – 3:0 (2:0), تۇڭ­عىشباەۆ, 5 (1:0). نۇر­عاليەۆ, 13 (2:0). گوگۋا, 86 (3:0). «ەرتىس» – «وق­جەتپەس» – 0:0 (0:0). «قاي­رات» – «شاحتەر» – 4:1 (3:0), گوۋ, 1 (1:0). يسلامحان, 36 (2:0). گوۋ, 38 (3:0). تۇرىسبەك, 82 (4:0). ستويانوۆيچ, 86 (4:1). سۇرمەرگەندەر سايىسى: جەرار گوۋ («قايرات») – 13, جۋنيور كابانانگا («استانا») – 11, الەك­سەي ششەتكين («تو­بىل») – 8. ماۋسىمنىڭ 18-ءى كۇنى وتەتىن كەلەسى تۋردا كوماندالار مىناداي جۇپ قۇراپ, ءوزارا كۇش سىناسادى: «قايرات» – «توبىل», «قاي­­­سار» – «ورداباسى», «تا­­­راز» – «ەر­تىس», «وق­جەت­پەس» – «اق­جايىق», «اق­­تو­­بە» – «استانا», «شاح­تەر» – «اتىراۋ».