حالقىڭ سەنەن كوپ ءۇمىت كۇتەدى
يليا يلين, ءبىز سەنىڭ جاناشىرىڭىزبىز. سەن اۋىر اتلەتيكامەن اينالىسىپ, وزا شاۋىپ بايگە الدىڭ. الەمنىڭ دە, وليمپيادانىڭ دا چەمپيونى بولدىڭ. بۇل اتاقتى وڭاي العان جوقسىڭ. كوپ ەڭبەك ەتتىڭ, ونداعان جىل ۇزبەي جاتتىقتىڭ. ەڭبەگىڭ ەش كەتكەن جوق, التىن مەدالدىڭ بىرنەشەۋىن ومىراۋىڭا تاقتىڭ. جىگىتتىڭ باسىنا نە تاپ بولمايدى؟! ساعان دوپينگ قولداندى دەپ كىنا تاعىپ, اتاقتارىڭنان ايىردى. سوعان قاراماستان, ءبىز سەنى قازاقستاننىڭ ەڭ قادىرلى ازاماتىنىڭ ءبىرى دەپ تۇسىنەمىز. سەنىڭ ارىڭ تازا دەپ سەنەمىز, الىپ قايرات يەسىسىڭ, سوندىقتان سەنەن ءالى دە كوپ ءۇمىت كۇتەمىز. كەيىنگى جاستارعا جەتەكشى بول, زىلتەمىر كوتەرۋدەن شەبەرلەر دايىندا. بۇلاي ەتۋگە قابىلەتىڭ جەتەدى, جاسىما, قايتا ورشەلەنە ءتۇس. اتىراۋ وبلىسىنىڭ جاستارى سپورتپەن مىقتاپ اينالىسىپ, رەسپۋبليكالىق, قۇرلىقتىق چەمپيوناتتاردا جۇلدەلى ورىنداردى جەڭىپ الۋدا. ولار اتاقتى گەننادي گولوۆكينمەن, قانات يسلاممەن اتىراۋدا كەزدەسىپ, ءادىس-امالدار ۇيرەندى. ەندى وزىڭمەن كەزدەسۋگە قۇمار, كەلسە ەكەن دەپ ارمانداپ ءجۇر. ويتكەنى سەن – ەلگە سۇيىكتى يلياسىڭ, البىرت باتىرسىڭ, سەنىڭ بويىڭداعى كىسىلىك قاسيەتىڭ تارتىمدى. سوندىقتان دا سەنىڭ الداعى تاعدىرىڭ ءبىزدى الاڭداتادى, قازىر نەمەن اينالىسىپ جۇرگەنىڭدى بىلگىمىز كەلەدى...
سەمبى بەرعاليەۆ, زەينەتكەر اتىراۋ وبلىسى
ەسىمىنە رۋىن قوسا كورسەتۋ دۇرىس ەمەس
قازاق دەسەڭ وزىڭە تيەدى دەگەندەي, ءبىر-بىرىمىزدەن رۋ سۇراساتىنىمىز راس. ءارى مۇنىڭ ەشقانداي ايىبى دا جوق دەپ سانايمىن. ويتكەنى اتا-بابالارىمىز رۋ سۇراسقاندا ءبولىنۋ ءۇشىن ەمەس, ايتەۋىر ءبىر جەرىنەن جاقىن تارتۋى ءۇشىن سۇراعان عوي. بۇگىنگى كۇنى و باستاعى وسى وڭ نيەتتىڭ ءمانى وزگەرىپ, حالىقتىڭ ەرتەڭى مەن تاعدىرىنا جاۋاپتى جانداردىڭ رۋىن قوسىپ جازۋ بايقالادى. سونداي-اق, ءوز رۋىنىڭ ادامىن دارىپتەۋشىلەر دە كوبەيىپ بارادى. كەرىسىنشە, ولار حالىقتى بولمەي, تۇتاس بىرلىككە ۇيتقى بولۋدى ويلاعانىن قالار ەدىك. تاعى ءبىر ايتايىن دەگەنىم – كەردەرى اۋباكىر, تاما ەسەت باتىر دەپ جاتامىز. ءتىپتى كوشە اتاۋلارىندا دا وسىلاي جازىلعان جاعدايلار كەزدەسەدى. بۇرىنعى زامانداردا رۋىن قوسا اتاۋدىڭ بەلگىلى ءبىر سەبەپتەرى بولعان شىعار. بىراق قازىر مۇنى دۇرىس دەي المايمىن. ويتكەنى ولار ونسىز دا بەلگىلى تۇلعالار ەمەس پە. سوندىقتان تاريحي تۇلعالاردىڭ رۋىن العا سالماي, تەك اتى-جوندەرىن كورسەتسە جەتەدى دەگەن ويدامىن.
رىسجان ءىلياسوۆا, رەسپۋبليكانىڭ ەڭبەك سىڭىرگەن مادەنيەت قىزمەتكەرى, ولكەتانۋشى اقتوبە
ومىرگە قۇشتار جان
ارداق ەسىمدى ازامات قايتپاس جىگەرى مەن قايسارلىعىنىڭ ارقاسىندا ارباعا تاڭىلسا دا ناپاقاسىن تاۋىپ, وتباسىن اسىراپ كەلەدى. ءبىر ءۇيدىڭ وتاعاسى, بالداي ءتاتتى بالاسى بار. وسىدان 11 جىل بۇرىن جول-كولىك اپاتىنا ۇشىراپ بەل ومىرتقاسىن سىندىرىپ, ج ۇلىنىنا زاقىم كەلگەن. بىرنەشە وتا جاسالىپ, جانى امان قالعان ازامات, اللانىڭ بەرگەن سىناعىنا سىنباي, نارتاۋەكەلگە بەل بۋىپ, قول قۋسىرىپ وتىرمادى. مۇگەدەكتەردى جۇمىسپەن قامتۋ ورتالىعىنا تىركەلىپ, استاناداعى سارىارقا اۋداندىق مۇگەدەكتەر كەڭەسى مۇشەسى رەتىندە مۇگەدەكتەر قوعامدىق بىرلەستىگىنە جۇمىسقا تۇردى. سونىمەن قاتار, حالىقتىڭ شاقىرتۋى بويىنشا ۇيلەرگە بارىپ, سىنعان, بۇزىلعان نارسەلەرىن جوندەپ بەرەدى. مەملەكەتتىڭ قولداۋىنىڭ ارقاسىندا وسىنداي ازاماتتار اياعىنان تىك تۇرىپ, ون ەكى مۇشەسى ساۋ ادامدارداي جۇمىس جاساپ كەلەدى. «قوعامدىق كولىكپەن جۇرەمىز. ءبىز سياقتى جاندارعا قوعامدىق كولىكتە ءجۇرۋ قيىندىق تۋدىرىپ جاتادى. قازىر ينۆاتاكسي قىزمەتىن قولعا الۋدى كوتەرىپ جاتىرمىز», − دەيدى ارداق وتارباەۆ. مىنە, وسىنداي مۇمكىندىگى شەكتەۋلى ازاماتتارعا قوعامدىق كولىكتەردە تەگىن ءجۇرۋ جەڭىلدىكتەرى بەرىلگەنىمەن, وسىنداي كولىكتەر قاجەت-اق. سونداي-اق, كوپتەگەن مەكەمەلەردە, ۇيلەردە ارنايى اربامەن كوتەرىلەتىن ساتىلاردىڭ جوقتىعى دا قيىندىق تۋدىرادى. ارداق سياقتى ومىرگە قۇشتار ازاماتقا قول ۇشىن بەرۋ, قايىرىمدىلىق جاساۋ ءار مۇسىلماننىڭ مىندەتى دەپ بىلەيىك.
ايمان مۇقىشەۆا استانا
«ەكسپو, مەن سەنىمەن ماقتانامىن!»
وسىنداي تاقىرىپتا ماڭعىستاۋ اۋداندىق جاستار رەسۋرستىق ورتالىعىندا استانا قالاسىندا وتەتىن حالىقارالىق ەكسپو-2017 كورمەسىن ناسيحاتتاۋعا ارنالعان شىعارماشىل جاستار بايقاۋى وتكىزىلدى. شاراعا اۋداننىڭ ءار تۇكپىرىنەن 50-گە جۋىق شىعارماشىل جاستار قاتىسىپ, ولەڭ اڭگىمەلەر وقىلىپ, كوركەم تۋىندىلارىمەن باق سىناستى. بايقاۋدا جۇلدەلى ءبىرىنشى ورىندى تۇششىقۇدىق اۋىلىنداعى س.جانعابىلوۆ اتىنداعى ورتا مەكتەپتىڭ 10 سىنىپ وقۋشىسىنىڭ «ەكسپو مەنىڭ جۇرەگىمدە» شىعارماسى يەلەنسە, ەكىنشى ورىندى ماڭعىستاۋ تەحنيكالىق كوللەدجىنىڭ وقىتۋشىسى نۇرجامال قايراتقىزىنىڭ ء«بىزدىڭ ورتاق ماقتانىش» اتتى ماقالاسى يەلەندى. ال ءۇشىنشى ورىندى شەتپەلىك ب.جۇماليەۆ اتىنداعى ورتا مەكتەپتىڭ 7 سىنىپ وقۋشىسى قادىربەك تاسقارانىڭ «مەنىڭ ەكسپوم» اتتى ولەڭى يەلەندى. شارا سوڭىندا ۇيىمداستىرۋشلار بارلىق قاتىسۋشىلارعا العىس حاتتار مەن ديپلومدار تابىس ەتىلدى.
ءاليا نۇربەرگەنقىزى, جاستار ورتالىعىنىڭ مامانى ماڭعىستاۋ وبلىسى, ماڭعىستاۋ اۋدانى
ءار ءسوزدىڭ ءوز ايتارى بار
سوڭعى جىلدارى «ولەڭ» اتاۋى ءوز ءورىسىن كەڭەيتىپ, انگە قاتىستى الەمدى تۇگەلدەي جاۋلاپ الۋعا جاقىندادى دەسەك بولادى. ساحنا تورىنەن ونەر ادامدارىنىڭ ء«ان سالدىم», ء«ان ايتتىم», «اندەتتىك» دەۋدىڭ ورنىنا, – «ولەڭ ايتتىم», «ولەڭ ايتايىق» دەۋى باسىم بولىپ بارادى. بۇل ءجونسىز ءسوز اۋىل اراسىنان باستاپ ونەر ورتاسى مەن زيالى قاۋىم اراسىندا دا ەتەك جايا باستادى. «قوي» دەيتىن قوجا, ء«اي» دەيتىن اجە كورىنبەيدى. الدە ء«ان» اتاۋىن ادىرەم قالدىرىپ, ءبىرجولاتا «ولەڭگە» وتۋگە بارشا قازاق باتالاستىق پا ەكەن... ولەڭ – اۋەننىڭ قاناتىنا قونىپ, انگە اينالىپ كوڭىلدىڭ اجارىن اشپاي ما؟ وسىنى ايىرا الماعان ادام – بەتالدى سويلەگەن ءارى ءتىل تازالىعىنا جانى اۋىرمايتىن جاۋاپسىز بولىپ شىقپاي ما! سونداي-اق, حالىقارالىق تەرميندەردى اۋدارۋعا قاۋقارى جەتكەن قازاق ءتىلى ورىستىڭ «وكرۋگ» دەگەن سوزىنە كەلگەندە ءسۇرىنىپ, بالاماسىن تابۋعا بەتتەي الماي قويدى. الماتى قالاسىنا كىرەبەرىستەگى «قاراساي باتىر اۋىلدىق اۋماعى» دەگەن اتاۋ الىستان كوز تارتادى. باتىردىڭ ارۋاعى اۋدارىپ تاستاعان ورىسشا اتاۋ, باسقا ەلدى مەكەندەردە ءمىز باقپاستان «اۋىلدىق وكرۋگى» بولىپ سىرەسىپ تۇر. ءسىرا وسى اتاۋدىڭ قازاقىلانىپ, اتا جۇرتقا لايىقتى تەڭەۋىن تاباتىن كۇن دە كەلگەن ءتارىزدى. دەمەك, ءار ءسوزدىڭ ءوز ايتارى بار.
ساعىنبەك جولبارىسحان, قازاقستان جۋرناليستەر وداعىنىڭ مۇشەسى شىمكەنت