ايتا كەتەيىك, حالىقارالىق اۋىر اتلەتيكا فەدەراتسياسىنىڭ شەشىمى بويىنشا زۋلفيا سپورتتان ەكى جىلعا شەتتەتىلگەن ەدى. جازا مەرزىمى 2016 جىلدىڭ 26 مامىردان باستالادى. جازانىڭ اياقتالۋ مەرزىمى 2018 جىلدىڭ 10 ماۋسىمى. ال ءيليننىڭ جاعدايىنا بايلانىستى ناقاتى شەشىم شىعارىلعان جوق.
«مەن ءالى كۇنگە دەيىن چينشانلومەن حابارلاسىپ تۇرامىن. ۇنەمى بايلانىستامىن. جازا تۋرالى شەشىم شىعارىلعانعا دەيىن ءبىز زۋلفيامەن كەزدەسىپ, توكيو وليمپياداسى تۋرالى سويلەستىك. سول كەزدە ول ەگەر وليمپياداعا قاتىساتىن كىشكەنتاي مۇمكىندىك بولسا, سول مۇمكىندىكتى پايدالاناتىنىن ايتتى. ەندى جازا مەرزىمى ناقتى بەلگىلى بولعاننان كەيىن ول سپورتقا قايتا ورالادى. يليا يلين تۋرالى ايتاتىن بولساق, ونىڭ جاعدايى ءالى بەلگىسىز بولىپ تۇر. ەگەر يليادا دا مۇمكىندىك بولسا, ول دا پايدالانارى انىق.
يلينگە قاتىستى ءالى ناقتى شەشىم شىعارىلعان جوق. مەن ونىڭ ىسىنە بايلانىستى وتىرىستىڭ قاشان بولاتىنىن دا بىلمەيمىن. بۇل ساۋالمەن قازاقستاننىڭ اۋىر اتلەتيكا فەدەراتسياسى اينالىسىپ جاتىر. ەگەر ءيليندى دە ەكى جىلعا شەتتەتەتىن بولسا, ول دا توكيوداعى وليمپياداعا قاتىسادى دەپ ويلايمىن», دەيدى ني.
ايتا كەتەيىك, حالىقارالىق اۋىر اتلەتيكا فەدەراتسياسى مايا مانەزا مەن زۋلفيا چينشانلونى ەكى جىلعا سپورتتان شەتتەتسە, سۆەتلانا پودوبەدوۆانى سەگىز جىلعا سپورتتان الاستاتقان ەدى. جازا لوندونداعى وليمپيادا ويىندارىنىڭ دوپينگ سىناماسى تەكسەرىلىپ, تەرىس ناتيجە بەرىلگەننەن كەيىن, ياعني 2016 جىلدىڭ 26 مامىرىندا شىقتى.
يليا يلين دە وسى دوپينگ ماسەلەسىنە بايلانىستى سپورتتان شەتتەتىلدى. بىراق, ونىڭ ناقتى قانشا مەرزىمگە شەتتەتىلگەنى تۋرالى شەشىم شىقپادى.