كورەيا عالىمدارى ەحرو كورمەسىندە سۋتەگىمەن جۇرەتىن اۆتوكولىگىن تانىستىرماق. بۇگىن بۇل تۋرالى جۋرناليستەرگە كورەيا پاۆيلونى ديرەكتورىنىڭ ورىنباسارى كيم دجونگ حۋن مالىمدەدى.
وتكەن عاسىردىڭ 50-جىلدارى قۋات كوزىنە مۇقتاج بولعان بۇل مەملەكەت بۇگىندە ەنەرگيا ۇنەمدەۋ سالاسىندا اۋىز تولتىرىپ ايتارلىقتاي جەتىستىككە جەتكەن. سوندىقتان ەڭ سوڭعى تەحنولوگيالارىمەن بولىسۋگە دايىن. تالايدىڭ تالپىنىسىن كوتەرەتىن ۇلىق شارادا كۇن باتارەيالارى, «سمارت سيتي», «اقىلدى ينفراقۇرىلىم» سەكىلدى جوبالاردى پاش ەتپەك.
“پاۆيلونىمىزدىڭ ەكىنشى قاباتىندا الداعى جىلى چەدجۋ ارالىنداعى پحيونچحان قالاسىندا وتەتىن وليمپيادا ويىندارىن ۆيرتۋالدى تاماشالاۋعا مۇمكىندىك جاسادىق. مۇندا بەلگىلى ارتىستەردىڭ فوتوسۋرەتتەرى مەن بەينەجازبالارىن دا كورۋگە بولادى. ال 18 شىلدەدە قازاقستانعا تانىمال كورەيالىق جۇلدىزداردىڭ قاتىسۋىمەن ۇلكەن كونتسەرت وتەدى”, – دەيدى كورەيا پاۆيلونى ديرەكتورىنىڭ ورىنباسارى كيم دجونگ حۋن.