ول ءار جىلدارى قازاق مەملەكەتتىك زاڭ اكادەمياسى, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى, بوستون ۋنيۆەرسيتەتىندە ءبىلىم العان. «بولاشاق» باعدارلاماسىنىڭ ستيپەندياتى. بىلىكتى ەكونوميست,Master of Science (Administrative studies with Financial Economics concentration). ساياسي عىلىمداردىڭ كانديداتى. ەڭبەك جولىن 1998 جىلى استانا قالاسىنىڭ قارجى دەپارتامەنتىندە باس مامان بولىپ باستاعان. كەيىن استانا قالاسى اكىم اپپاراتىنىڭ مەملەكەتتىك-قۇقىقتىق ءبولىمىنىڭ باسشىسى, «استانا – جاڭا قالا» ەركىن ەكونوميكالىق ايماعى باس ديرەكتسياسىنىڭ ءبولىم باسشىسى, ساۋدا باسقارماسى باسشىسىنىڭ ورىنباسارى جانە سارىارقا اۋدانى اكىمىنىڭ ورىنباسارى قىزمەتتەرىن اتقارعان.
2006-2010 جىلدارى قاراعاندى وبلىسىنىڭ مەملەكەتتىك ورگاندارىندا ءار ءتۇرلى قىزمەتتەردە, 2010-2012 جىلدارى پرەمەر-ءمينيستردىڭ كەڭسەسىندە ۇيىمداستىرۋ جۇمىسى جانە اۋماقتىق دامىتۋ ءبولىمىنىڭ باس ينسپەكتورى بولعان.
2012 جىلى قازاقستان رەسپۋبليكاسى پارلامەنتى ءماجىلىسىنىڭ اپپارات جەتەكشىسى بولدى.
2013-2017 جىلدارى قازاقستان رەسبۋبليكاسىنىڭ ەڭبەك جانە الەۋمەتتىك قورعاۋ ۆيتسە-ءمينيسترى.
قازاقستان رەسپۋبليكاسى پرەزيدەنتىنىڭ العىس حاتىن الدى. (2001). «استانانىڭ 10 جىلدىعى» (2008), قازاقستان رەسپۋبليكاسىنىڭ تاۋەلسىزدىگىنە 25 جىل (2016) مەرەيتويلىق مەدالداردىڭ يەگەرى.