قايتا جاڭارتىلعان «قوستاناي-ماسكەۋ» اۋە رەيسى اپتانىڭ 2, 4, 7-ءشى كۇندەرى جاسالادى, دەپ حابارلايدى «Alau» پورتالى.
قوستاناي اۋەجايى ديرەكتورىنىڭ كومەكشىسى الەكساندر اندرەەۆ حابارلاعانداي, بۇل رەيستى قايتا ىسكە قوسۋ تۋرالى كەلىسسوزدەر ۇزاق ۋاقىت بويى جۇرگىزىلىپ, «اەروفلوت» كومپانياسى يننوۆاتسيالىق ۇسىنىس جاساعان.
ء«بىز ءبىرىنشى ولارمەن بايلانىستىق. ولار قازاقستاندىق نارىققا شىعۋ ماسەلەسىن قاراستىردى. ناتيجەسىندە, بىزبەن بىرگە جۇمىس ىستەۋ تۋرالى شەشىم قابىلدادى. 4 ماۋسىم كۇنى ءبىرىنشى رەيس جاسالدى. رەيس ءساتتى ءوتتى. ۇشاقتاعى ورىنداردىڭ 90%-ىنا بيلەت الىنعان. ساتىلىم ءجۇرىپ جاتىر, سۇرانىس جوعارى», دەدى الەكساندر اندرەەۆ.
بۇدان بولەك, Qazaq Air كومپانياسى استاناعا رەيس اشۋدى جوسپارلاپ وتىر. اپتانىڭ ەكىنشى كۇنى ۇشىرىلاتىن بولادى. كومەكشىنىڭ ايتۋىنشا, كومپانيا 20 ماۋسىمنان باستاپ كەستەگە كىرگىزىلەدى.