قازاقستان ارقىلى الەمدىك جۇك تاسىمالىنىڭ 8%-ىن وتكىزۋگە بولادى. وعان ارتىعىنا جول مەن كونتەينەرلەردىڭ شاماسى جەتپەيدى, دەدى "اتامەكەن" ۇلتتىق كاسىپكەرلەر پالاتاسىنىڭ وكىلى ەرحات ىسقاليەۆ.
"قازىرگى تاڭدا جۇك تاسىمالى ءۇشىن ۇلكەن تالاس بولىپ جاتىر. بۇل تۇرعىدا كىم جايلى جاعداي جاساپ بەرەدى, سول ۇتادى", دەدى ىسقاليەۆ.
سونىمەن قاتار قازىر تەڭىز, اۆتو جانە تەمىرجول اراسىندا دا باسەكەلەستىك كۇشتى. بۇگىندە تۇتىنۋشى ءبارىن ءبىر پاكەتپەن العىسى كەلەدى.
قازىرگى تاڭدا قازاقستان ارقىلى الەمدىك جۇك تاسىمالىنىڭ تەك 2%-ى عانا وتەدى ەكەن.
ساراپشىنىڭ پىكىرىنشە, بۇل كورسەتكىشتى ماكسيمالدى 8%-عا دەيىن ارتتىرۋعا مۇمكىندىك بار.
ۇكپ وكىلىنىڭ مالىمەتىنشە, ەكسپورتتىق تاۋارلار ىشىندەگى تاسىمال شىعىنى تاۋاردىڭ وزىندىك قۇنىنىڭ 50%-ىن قۇرايدى.