اتاپ ايتقاندا, «قازاقستان رەسپۋبليكاسىنداعى سايلاۋ تۋرالى» زاڭىنا ورتالىق, اۋماقتىق, وكرۋگتىك جانە ۋچاسكەلىك سايلاۋ كوميسسيالارىنا سايلاۋ ۇدەرىستەرىنە قاتىسۋشىلاردى وقىتۋدى ۇيىمداستىرۋ جانە وتكىزۋ جونىندە وكىلەتتىك قوسۋ ۇسىنىلىپ وتىر. «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» كونستيتۋتسيالىق زاڭىنا ۇكىمەت مۇشەلەرىن قىزمەتكە تاعايىنداۋ ءۇشىن ۇمىتكەرلەر بويىنشا پارلامەنت ماجىلىسىمەن كونسۋلتاتسيالار وتكىزۋ, سونداي-اق, سەناتتىڭ ادام قۇقىقتارى جونىندەگى ۋاكىلدى قىزمەتكە سايلاۋى جانە قىزمەتتەن بوساتۋ ءتارتىبىن رەتتەۋ تۋرالى تولىقتىرۋلار ەنگىزىلەدى. «رەسپۋبليكالىق رەفەرەندۋم تۋرالى» كونستيتۋتسيالىق زاڭىنا تاۋەلسىز مەملەكەت رەتىندە قازاقستان رەسپۋبليكاسىنىڭ مارتەبەسىن, ەلدىڭ بىرتۇتاستىعى مەن اۋماقتىق تۇتاستىعىن, ونى باسقارۋ نىسانىن, سونداي-اق, تاۋەلسىز قازاقستاننىڭ نەگىزىن سالۋشى, قازاقستان رەسپۋبليكاسىنىڭ تۇڭعىش پرەزيدەنتى – ەلباسى ىرگەسىن قالاعان رەسپۋبليكا قىزمەتىنىڭ تۇبەگەيلى پرينتسيپتەرىن جانە قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ مارتەبەسىن وزگەرتۋ ماسەلەلەرى رەفەرەندۋم تالقىسى بولا المايتىنىن بەلگىلەيتىن وزگەرىستەر ەنگىزىلەدى. ودان باسقا, «قازاقستان رەسپۋبليكاسىنىڭ كونستيتۋتسيالىق كەڭەسى تۋرالى» كونستيتۋتسيالىق زاڭىنا ادام جانە ازاماتتىڭ قۇقىقتارى مەن بوستاندىقتارىن قورعاۋ, ۇلتتىق قاۋىپسىزدىكتى, مەملەكەتتىڭ ەگەمەندىگى مەن تۇتاستىعىن قامتاماسىز ەتۋ ماقساتىندا كونستيتۋتسيالىق كەڭەستىڭ شەشىمى قازاقستان رەسپۋبليكاسىنىڭ تۇڭعىش پرەزيدەنتى − ەلباسىنىڭ باستاماسى بويىنشا قايتا قاراۋعا جاتاتىنى تۋرالى ەرەجە ەنگىزىلەدى. زاڭ جوباسى پالاتانىڭ قاراۋىنا جىبەرىلدى.
پارلامەنت سەناتى كونستيتۋتسيالىق زاڭناما, سوت جۇيەسى جانە قۇقىق قورعاۋ كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا قارالدى, دەپ حابارلادى پارلامەنت سەناتىنىڭ ءباسپاسوز قىزمەتى.