ارنايى جانە بىرىڭعاي اياق كيىم وندىرىسىمەن, ياعني ءار ءتۇرلى جۇمىس تۇرلەرىنە ارنالعان اياق كيىم, قارۋلى كۇشتەر وكىلدەرىنە ارنالعان, Sharkey برەندىمەن اياق كيىمدەر وندىرۋمەن جانە قىسقى, جازعى, كورپوراتيۆتىك, كۇزەت قىزمەتكەرلەرى ءۇشىن كيىم وندىرىسىمەن اينالىساتىن "Zhamal-ai LTD" جشس ادامداردىڭ قاۋىپسىزدىك جاعدايلارىن جاقسارتۋ ءۇشىن ءوزىنىڭ ونىمدەرى مەن قىزمەتتەرىن زامان تالابىنا ساي شىڭداپ وتىر. مەكەمە باسشىلارىنىڭ جۇمىسىنداعى نەگىزگى قاعيدالارىنىڭ ءبىرى – كيىمدەر مەن ارنايى اياق كيىمدەردى كەشەندى جەتكىزۋ بولىپ تابىلادى. تاۋارلاردى قازاقستاننان تىس ەلدەرگە تاسىمالداۋ ماقساتىندا, ونىمدەردى قازاقستاندىق جانە حالىقارالىق ستاندارتتارعا سايكەس سەرتيفيكاتسيادان وتكىزىپ وتىرادى. كاسىپورىن «وزەنمۇنايگاز» اق, «ەمبامۇنايگاز» اق, «ويل ترانسپورت كورپورەيشەن» جشس, «Oil Construction Company» جشس , «مانگىستاۋەنەرگومۋناي» جشس, «ارگىماكترانسسەرۆيس» جشس جانە ت.ب. كومپانيالاردى ارنايى كيىمدەرمەن قامتاماسىز ەتىپ وتىر. سونداي-اق كاسىپورىن قر قورعانىس مينيسترلىگىنە, ىشكى ىستەر مينيسترلىگىنە, «ىشكى اسكەرلەر كوميتەتىنە» بىرىڭعاي اياق كيىم جەتكىزۋشى بولىپ تابىلادى.
وندىرىسكە قاجەتتى شيكىزات پەن ماتەريالدار ساتىپ الۋ - زاۋىتتىڭ تۇراقتى قاجەتتىلىگىنىڭ ءبىرى. ءوندىرىستىڭ ۇزدىكسىز جۇمىس ىستەۋىن قامتاماسىز ەتۋ ماقساتىندا, كومپانيا باسشىلىعى «كازكوممەرتسبانك» اق اينالىم قاراجاتىن تولىقتىرۋ ماقساتىندا 75 ملن. تەڭگەنى 36 اي مەرزىمگە نەسيە الۋعا شەشىم قابىلدادى. جوبا وڭدەۋ ونەركاسىبىندەگى شاعىن جانە ورتا كاسىپكەرلىك جوبالارىن قولداۋ باعدارلاماسى ارقىلى جىلدىق 6% مولشەرىندە قارجىلاندىرىلدى.
- قارجىلاندىرۋ ارقىلى ءبىز "Zhamal-ai LTD" جشس جۇمىسىنان جاڭا جەتىستىكتەر كۇتەمىز جانە وعان سەنەمىز. سەبەبى, بۇل كاسىپورىن ىرگەسى بەكىگەن, ءوز جۇمىسىن جولعا قويعان قابىرعالى كاسىپورىن, دەيدى ماڭعىستاۋ وبلىسى بويىنشا «دامۋ» كاسىپكەرلىكتى قولداۋ قورىنىڭ مەنەدجەرى ا.مومبەكوۆ.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى