جاڭا رەداكتسيا قازاقستان رەسپۋبليكاسى ۇلتتىق بانكى باسقارماسىنىڭ 2017 جىلدىڭ 27 ناۋرىزىنداعى № 54 قاۋلىسىمەن بەكىتىلگەن, سونداي-اق 2017 جىلدىڭ 1 ماۋسىمىنان باستاپ قولدانىسقا ەنگىزىلەتىن, ەميتەنتتەر مەن ولاردىڭ, قور بيرجاسىندا اينالىسقا جىبەرىلەتىن (جىبەرىلگەن) باعالى قاعازدارىنا, سونداي-اق قور بيرجاسىنىڭ ءتىزىمىنىڭ كەيبىر ساناتتارىنا قويىلاتىن تالاپتارىنىڭ جاڭا رەداكتسياسىنا سايكەس ازىرلەندى.
"اتالمىش قاۋلىعا سايكەس كورسەتىلگەن كۇننەن باستاپ بيرجانىڭ رەسمي ءتىزىمىنىڭ قۇرىلىمى ءۇش ساۋدا-ساتتىق الاڭىنا بولىنەدى, ولار – "نەگىزگى", "بالامالى" جانە "ارالاس", سونداي-اق كورسەتىلگەن تىزىمگە ەنگىزۋ جانە وسىندا بولۋ ءۇشىن ورناتىلعان ليستينگىلىك تالاپتار دا وزگەرەدى", – دەدى KASE باسقارماسى ءتورايىمىنىڭ ورىنباسارى ناتاليا حوروشەۆسكايا.
KASE رەسمي ءتىزىمىنىڭ جاڭا قۇرىلىمىنىڭ نەگىزىنە كىشىگىرىم جانە ورتاشا كومپانيالاردىڭ باعالى قاعازدارى ءۇشىن جەكە ساۋدا-ساتتىق الاڭىن ءبولۋ, سونداي-اق وسى كومپانيالار ءۇشىن تەك زاڭنامادا بەلگىلەنگەن شەكتەردە عانا اقپاراتتار اشۋ بويىنشا تالاپتار قويۋدىڭ حالىقارالىق تاجىريبەسى الىنعان. KASE وسىنداي كومپانيالار ءۇشىن قوسىمشا بىرجولعى "كىرۋ" ء(وتىنىشتى قاراۋ ءۇشىن جانە كىرۋ الىمدارى) ليستينگىلىك الىمداردىڭ مولشەرىن ازايتتى.
KASE رەسمي ءتىزىمىن ءۇش ساۋدا-ساتتىق الاڭىنا ءبولۋ مىناداي ماقساتتاردى كوزدەيدى:
1) ينۆەستورلاردىڭ, ەميتەنتتەردىڭ جانە باسقا دا مۇددەلى تۇلعالاردىڭ بارلىق ساناتتارى ءۇشىن رەسمي ءتىزىمنىڭ ايقىنىراق, ىڭعايلىراق ءارى تۇسىنىكتى قۇرىلىم جاساۋ;
2) جاڭا ەميتەنتتەر مەن ينۆەستورلاردى تارتۋ بويىنشا تيىمدىرەك ستراتەگياسى;
3) ءار ساۋدا-ساتتىق الاڭى ءۇشىن, ەميتەنتتەردىڭ ءار ناقتى توبىنىڭ مۇقتاجى مەن مۇمكىنشىلىگىنە جانە ينۆەستورلاردىڭ كەيبىر توپتارىنىڭ مۇددەسىنە باعىتتالاتىن, جاڭا قارجى قۇرالدارىن ازىرلەۋ جانە ەنگىزۋ.
وسىعان بايلانىستى, بيرجانىڭ رەسمي تىزىمىندە تۇرعان باعالى قاعازدار, قاۋلىمەن جانە ليستينگىلىك ەرەجەلەردىڭ جاڭا رەداكتسياسىمەن بەكىتىلگەن تالاپتار ۇدەسىنەن شىعا وتىرىپ, جاڭا ساناتتار جانە/نەمەسە سەكتورلار بويىنشا بولىنەدى.
KASE رەسمي ءتىزىمىنىڭ جاڭا قۇرىلىمىنا سايكەس باعالى قاعازدار مەن ولاردىڭ ەميتەنتتەرىنىڭ ليستينگىلىك تالاپتارعا سايكەستىگى كەلەسىدەي.
"نەگىزگى" ساۋدا-ساتتىق الاڭى:
1) سەگىز ەميتەنتتىڭ 10 اتاۋداعى اكتسيالارى "اكتسيالار" سەكتورىنىڭ "پرەميۋم" ساناتى ءۇشىن بەلگىلەنگەن ليستينگىلىك تالاپتارعا ساي;
2) 52 ەميتەنتتىڭ 65 اتاۋداعى اكتسيالارى "اكتسيالار" سەكتورىنىڭ "ستاندارت" ساناتى ءۇشىن بەلگىلەنگەن ليستينگىلىك تالاپتارعا ساي;
3) 51 ەميتەنتتىڭ 242 اتاۋداعى وبليگاتسيالارى "بورىشتىق باعالى قاعازدار" سەكتورىنىڭ "وبليگاتسيالار" ساناتى ءۇشىن بەلگىلەنگەن ليستينگىلىك تالاپتارعا ساي;
4) ءۇش ەميتەنتتىڭ ءۇش اتاۋداعى وبليگاتسيالارى "بورىشتىق باعالى قاعازدار" سەكتورىنىڭ "كوممەرتسيالىق وبليگاتسيالار" ساناتى ءۇشىن بەلگىلەنگەن ليستينگىلىك تالاپتارعا ساي.
"بالامالى" ساۋدا-ساتتىق الاڭى:
1) 40 ەميتەنتتىڭ 43 اتاۋداعى اكتسيالارى "اكتسيالار" سەكتورى ءۇشىن بەلگىلەنگەن ليستينگىلىك تالاپتارعا ساي;
2) 15 ەميتەنتتىڭ 18 اتاۋداعى اكتسيالارى "بورىشتىق باعالى قاعازدار" سەكتورىنىڭ "وبليگاتسيالار" ساناتى ءۇشىن بەلگىلەنگەن ليستينگىلىك تالاپتارعا ساي.
"ارالاس" ساۋدا-ساتتىق الاڭى:
1) ءۇش ەميتەنتتىڭ ءتورت اتاۋداعى اكتسيالارى "ينۆەستيتسيالىق قورلاردىڭ باعالى قاعازدارى" سەكتورى ءۇشىن بەلگىلەنگەن ليستينگىلىك تالاپتارىنا ساي;
2) ءبىر ەميتەنتتىڭ التى اتاۋداعى وبليگاتسيالارى "حالىقارالىق قارجى ۇيىمدارىنىڭ باعالى قاعازدارى" سەكتورى ءۇشىن بەلگىلەنگەن ليستينگىلىك تالاپتارىنا ساي;
3) وسى سەكتورعا 2017 جىلدىڭ 31 مامىرى كۇنىنىڭ سوڭىندا بيرجانىڭ رەسمي تىزىمىندە "مەملەكەتتىك باعالى قاعازدار" سەكتورىندا تۇرعان بارلىق باعالى قاعازدار اۋىستىرىلادى.
ايناش ەسالي,
«ەگەمەن قازاقستان».
الماتى