وقۋشىلاردى ءاردايىم ساباقتى جاقسى وقۋعا ىنتالاندىرىپ, ۇزدىك بولۋعا جىگەرلەندىرۋ ماقساتىندا ۇيىمداستىرىلعان سالتاناتتى جيىندا «ورلەۋ» باۇو» اكتسيونەرلىك قوعامى باسقارما ءتورايىمى گۇلناس احمەتوۆا وقۋشىلاردى ايتۋلى مەرەكەمەن قۇتتىقتاپ, تاۋەلسىز ەلدىڭ ەرتەڭگى يەسى بولاتىن جەتكىنشەكتەرگە تۇسىنىستىك پەن كەلىسىم ورناعان باقىتتى ەلدە ءومىر ءسۇرىپ جاتقاندىعىنىڭ ءوزى باعا جەتپەس بايلىق ەكەندىگىن اتاپ ءوتتى. سونداي-اق, «نۇر وتان» پارتياسىنىڭ توراعاسى, ۇلت كوشباسشىسى, قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ ەرتەڭگى ەل تىرەگى بولاتىن جەتكىنشەكتەردىڭ ءومىرى جارقىن, كەلەشەگى كەمەل بولۋى ءۇشىن بارلىق جاعدايدى قاراستىرعان قامقورلىعىنا جان-جاقتى توقتالدى.
№6 گيمنازيانىڭ باستاۋىش جانە ورتا بۋىن سىنىبىندا وقيتىن 30 وقۋشى قاتىسقان مەرەكەلىك جيىندا ۇزدىك وقۋشىلارعا «نۇر وتان» پارتياسىنىڭ ارنايى سىيلىقتارى بەرىلىپ, بۇلدىرشىندەردى قۋانىشقا بولەدى.
ءوز كەزەگىندە «ورلەۋ» باۇو» اقف الماتى قالاسى بويىنشا پقباي ديرەكتورى رايسا سادۋاقاسوۆا دا: «ساباقتى جاقسى وقۋ ءۇشىن سەندەرگە بارلىق جاعداي جاسالعان. ساباقتى جاقسى وقىڭدار. ءبىر-بىرىڭە مەيرىمدىلىك پەن قولداۋ كورسەتىڭىزدەر», – دەگەن ىزگى تىلەگىن ءبىلدىرىپ, جەتكىنشەكتەرگە جالاۋشالار, تەاترعا بيلەتتەر مەن سىيلىقتار ۇسىندى.
الماتى قالاسى اۋەزوۆ اۋدانى «نۇر وتان» پارتياسى فيليالى توراعاسىنىڭ ءبىرىنشى ورىنباسارى مۇرات وماروۆ سالتاناتتى جيىن بارىسىندا ۇلكەندەردىڭ قامقورلىعىن ۇنەمى قاجەت ەتەتىن بالالارعا ەرەكشە كوڭىل ءبولۋدى ەسكە سالاتىن ماڭىزدى مەرەكەنىڭ قاتىسۋشىلارىن قۇتتىقتاپ, پارتيا قىزمەتى, ەلباسىنىڭ قولداۋىمەن وسكەلەڭ ۇرپاقتىڭ وقىپ, ءبىلىم الۋىنا جاسالعان ەرەكشە قامقورلىعىنا جان-جاقتى توقتالدى.
جەتكىنشەكتەر مەن ولاردىڭ اتا-انالارى قىم-قۋىت ساپىرىلىسقان جۇمىسباستىلىققا قاراماستان, بالالار كۇنىنە ارناپ وسى شارانى ۇيىمداستىرعان «ورلەۋ» باۇو» اكتسيونەرلىك قوعامى باسقارما باسشىلىعىنا, «ورلەۋ» باۇو» اقف الماتى قالاسى بويىنشا پقباي ۇجىمىنا العىس ايتىپ, ىزگى تىلەكتەرىن ءبىلدىرىستى.
ميرا بايبەك,
«ەگەمەن قازاقستان»
الماتى