سوتتىڭ ۇكىمىنە سايكەس, تۇڭعىشباي جامانقۇلوۆ 189-باپ ("سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ") بويىنشا ايىپتى دەپ تانىلدى. ول 7 جىل شارتتى تۇردە سوتتالدى. سونىمەن قاتار, ول 5 جىلعا باسقارۋشى قىزمەتتەردى اتقارا المايدى. راقىمشىلىققا بايلانىستى, جامانقۇلوۆتىڭ جازا مەرزىمى ەكى ەسە قىسقارتىلدى.
رەجيسسەر تالعاد جانىبەكوۆ تە ايىپتى دەپ تانىلىپ, ول شارتتى تۇردە 7 جىلعا سوتتالدى. ول دا بەس جىلعا باسقارۋشى قىزمەتتەردى اتقارا المايدى. سۋديا ونىڭ بۇلتارتپاۋ شاراسىن ەشقايدا كەتپەۋ تۋرالى قولحاتپەن بوساتۋعا اۋىستىردى.
"قازاقفيلم" اق بۇرىنعى توپ-مەنەدجەرى گاۋھار ىسقاقوۆا "لاۋازىمدىق وكiلەتتiكتەردى تەرىس پايدالانۋ" بابى بويىنشا ايىپتى دەپ تانىلدى. ول 1 جىلعا شارتتى تۇردە سوتتالىپ, سوت زالىندا قاماۋدان بوساتىلدى.
"فەنيكس" ءفيلمىنىڭ اتقارۋشى پروديۋسەرى ناتاليا يۋدينا جەتى جىلعا شارتتى تۇردە سوتتالدى. راقىمشىلىققا بايلانىستى ونىڭ جازاسى 3,5 جىلعا قىسقارتىلدى. ول جا بەس جىل بويى باقسارۋشى قىزمەتتەردى اتقارا المايدى.
كارتينا رەداكتورى گيزات سۇلتانوۆ قر قىلمىستىق كودەكسىنىڭ 189-بابى "سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ" بويىنشا ايىپتى دەپ تالىنىپ, بەس جىلعا شارتتى تۇردە سوتتالدى. جەكە كاسىپكەر يليا كوروبەينيكوۆ بەس جىلعا شارتتى جازا الدى. راقىمشىلىققا بايلانىستىڭ ونىڭ جازا مەرزىمى - 3 جىل 9 اي.
"فەنيكس" ءفيلمىنىڭ دايىندىق مەرزىمىندەگى ءتۇسىرىلىم توبىنىڭ ديرەكتورى مارلەن ابىشەۆ بەس جىلعا شارتتى جازا الدى. راقىمشىلىق بويىنشا, ونىڭ جازا مەرزىمى 3 جىل 9 اي. كارتينانىڭ ەكىنشى رەجيسسەرى بيجان ابىشەۆ مۇلكى تاركىلەنە وتىرىپ, ءبىر جىلعا شارتتى سوتتالدى. جەكە كاسىپكەر دانيار ابدىقادىروۆ جەتى جىلعا شارتتى جازاعا كەسىلدى.
سوت ۇكىمى ازىرشە كۇشىنە ەنگەن جوق جانە شاعىم ءتۇسىرىلۋى مۇمكىن. تۇڭعىشباي جامانقۇلوۆتىڭ ادۆوكاتى عاليا ناراتاۋاوۆا ۇكىممەن كەلىسپەيتىنىن جانە قورعاۋىنداعى ازامات ايىپپەن كەلىسپەگەندىكتەن ۇكىمگە شاعىم تۇسىرەتىنىن ايتتى. تالعاد جانىبەكوۆتىڭ ادۆوكاتى سەرىك ايتباەۆ ۇكىمگە قاناعاتتاناتىنىن جانە شاعىم تۇسىرمەيتىنىن مالىمدەدى.
قر مادەنيەت جانە سپورت مينيسترلىگىنىڭ ازاماتتىق شاعىمى ءىشىنارا قاناعاتتاندىرىلدى. سوت مينيسترلىكتىڭ پايداسىنا جامانقۇلوۆتان 3,4 ميلليون تەڭگە, جانىبەكوۆتەن 4,3 ميلليوان تەڭگە, سوتتالۋشى گيزات سۇلتانوۆتان 1 ميلليون 54 مىڭ تەڭگە, دانيار ابدىقادىروۆتان 9,6 ميلليون تەڭگە ءوندىرۋ تۋرالى شەشىم شىعاردى. سوتتالۋشىلاردان جالپى 18,4 ميلليون تەڭگە ونىدىرىلەدى.
ايتا كەتەيىك, وسى ءىس بويىنشا باستى سوت وتىرىسى 9 ناۋرىزدا باستالعان ەدى. سوتتالۋشىلار "فەنيكس" فيلمىنە بولىنگەن قاراجاتتى (69 ميلليون تەڭگە) جىمقىردى دەپ ايىپتالدى.