وسى ورايدا جارتى ميلليوننان استام تۇرعىنى بار اقتوبە قالاسىنداعى بۇل باعا 55 تەنگە دەپ بەلگىلەنگەن. ايتسە دە قالاداعى «اۆتوپارك» جانە «اقتوبە قالالىق جولاۋشىلار تاسىمالى كاسىپورنى» جشس ءتاريفتى 90 تەنگەگە دەيىن كوتەرۋدى ۇسىنىپ وتىر. ولار جولاقى قۇنىن كوتەرۋ قاجەتتىگىن اۆتوپاركتى جوندەۋ مەن جاڭعىرتۋعا قاجەتتى قاراجاتتىڭ تاپشلىعىمەن بايلانىستىرادى. سوعان بايلانىستى قالالىق كولىك ءتاريفىن 90 تەڭگەگە دەيىن كوتەرۋدى ۇسىندى. بۇل جايت جۇرگىنشىلەر مەن قالا تۇرعىندارى اراسىندا ءار ءتۇرلى وي-پىكىرلەر تۋعىزدا. اشىعىن ايتقاندا ەل-جۇرتتىڭ كوپشىلىگى ءتاريفتىڭ وسۋىنە نارازىلىق ءبىلدىردى.
ءارىسىن ايت تا, بەرىسىن ايت دەگەندەي اتالعان ماسەلەدەگى الىپ قاشپا سوزدەردىڭ اياعى وبلىس اكىمدىگىندە ارنايى جيىننىڭ وتكىزىلۋىنە اكەلىپ تىرەدى. ەندىگى كەزەكتە باسقوسۋدا تۇيىندەلگەن تۇجىرىمدارعا توقتالساق, تاسىمالداۋشىلاردىڭ ۋاجدەرى مەن ۇسىنىستارى بىرجاقتى مالىمدەلگەنىن كورەمىز. وسى جيىندا ايتىلعانداي جولاقى باعاسىن كوتەرۋدى العا تارتقان تاسىمالداۋشى قۇرىلىمدار جەرگىلىكتى مەملەكەتتىك مەكەمەلەر مەن قوعام الدىنداعى كەلىسىمشارتتىق تالاپتاردى تولىقتاي ورىنداماعان. سونداي-اق, وزدەرىنىڭ تىكەلەي فۋنكتسيونالدىق مىندەتتەرىن اتقارۋعا دا سالعىرت-سالاق قاراعان. اتاپ ايقاندا, قوعامدىق كولىكتەردىڭ ءجۇرۋ ۋاقىتىنىڭ ارا قاشىقتىعى ساقتالا بەرمەيدى. قوزعالىس كەستەلەرى ايالدامالاردىڭ بىرىندە بولسا, ەكىنشىسىندە جوق بولىپ شىعادى. سونداي-اق قالالىق اۆتوبۋستار سالونىنداعى سانيتارلىق-تەحنيكالىق جاعدايلار دا كوڭىل كونشىتپەيدى.
بۇعان دەيىنگى جۇرگىزىلگەن تالداۋدار مەن زەرتتەۋلەر قورىتىندىسى تاسىمالداۋشىلار كىرىس پەن پايدا تۇسىرەتىن قىزمەتتەردى ويداعىداي اتقارماعانىن كورسەتەدى. ءارى تيىمدىلىك اكەلە الاتىن تەتىكتەر مەن شىعىندار ازايتىلماعان. تۇسكەن پايدانى باقىلاۋ مەن قاداعالاۋ ءىسى قوجىراپ كەتكەن. سوندىقتان دا قازىر اقتوبە قالاسىندا جولاۋشىلار كولىگىنىڭ جاي-كۇيىن جاقسارتۋ جونىندە بىرقاتار تىڭ ءىس شارالار شوعىرى بەلگىلەنىپ وتىر. بۇل باعىتتا وركەنيەتتى دەڭگەيدەگى جولاۋشىلار كولىگىن باقىلاۋ جۇيەسىن ەنگىزۋگە باسىمدىق بەرىلگەن. كىرىستى كوبىرەك تۇسىرەتىن باعىتتاردى ىرىكتەۋ جولدارى قاراستىرىلعان. ءتۇيىپ ايتقاندا بۇگىنگى كۇنى اقتوبەلىك تاسىمالداۋشىلاردىڭ كەلىسىمشارتتىق مىندەتتەردى ورىنداۋعا باسا نازار اۋدارا باستاعانىن ايتۋ ءلازىم.
ال تاريفتەر ماسەلەسىنە كەلسەك, قالالىق جولاقى قۇنى باعاسى وزگەرمەي, سول كۇيىندە قالاتىن بولدى. ونىڭ مولشەرى بۇرىنعىشا 55 تەنگە كولەمىندە بولماق.
تەمىر قۇسايىن, «ەگەمەن قازاقستان»