ەڭ الدىمەن ءوڭىر باسشىسى جىلىجاي ءوسىرۋدى 25 سوتتىقتان باستاعان جەكە كاسىپكەر راحىمجان كەنجەباەۆتىڭ شارۋاشىلىعىندا بولىپ, جىلىجايدى ارالاپ كوردى. ونداعى جۇمىس بارىسىمەن تانىستىرعان كاسىپورىن توراعاسى 2,5 گەكتار بولاتىن جىلىجاي كولەمىن كۇز ايىندا 5 گەكتارعا دەيىن ۇلعايتاتىنىن ايتتى. ەلىمىزدى جىل ون ەكى اي كوكونىسپەن قامتاماسىز ەتۋ كوكتەمى ەرتە كەلەتىن ەگىنشىلىككە اۋا-رايى قولايلى - ءوڭتۇستىڭ ەنشىسىندە ەكەنىن ايتقان اكىم شارۋاشىلىق يەسىنىڭ بۇل جوسپارىن قولداپ قۋاتتادى. سونداي-اق, ول مەملەكەتتەن ءتيىستى كومەك پەن قولداۋ كورسەتىلەتىنىن اتاپ ءوتتى.
ايتا كەتەيىك, وتكەن جىلى جىلىجايدان 50 توننا قىزاناق, 25 توننا قيار جينالعان بولسا, بۇگىنگى كۇنگە 2 گا جەرگە ەگىلگەن قىزاناقتان 85 توننا ءونىم جينالدى. ال مەملەكەتتەن العان سۋبسيديا كولەمى 2,6 ملن تەڭگەنى قۇرايدى.
مۇنان سوڭ, ايماق باسشىسى جاڭا تەحنولوگيانى ەندىرىپ, 600 گەكتار جەردى جاڭبىرلاتۋ ادىسىمەن سۋعارىپ وتىرعان «جاڭا اقدالا» اگروفيرماسى» جشس-ءنىڭ ەگىستىك القابىمەن تانىستى. جاڭا تەحنولوگيانى تانىستىرعان سەرىكتەستىك باسشىسى بۇل ءادىس ارقىلى شارۋالار اعىن سۋدى ۇنەمدەپ قانا قويماي, ءونىم كولەمىن دە ارتتىرۋعا بولاتىنىن جەتكىزدى.
اقدالا اۋىلدىق وكرۋگىندە ورنالاسقان سەرىكتەستىك بيىل وزىنە قاراستى ەگىستىك جەرلەردى يگەرۋ ءۇشىن گەرمانيانىڭ BOUER كومپانياسىنان شىققان جاڭبىرلاتىپ سۋعارۋ ءادىسىن قولدانىپ وتىر. ونىڭ ارقايسىسى ءبىر ورىندا 60 گەكتار جەردى سۋعارۋعا مۇمكىندىگى بار. شارۋاشىلىق قۇنى 67 مىڭ ەۋرو تۇراتىن قۇرىلعىنىڭ 7 داناسىن الىپ, ىسكە قوسقان. جاڭبىرلاتىپ سۋارۋ ءادىسىنىڭ تيىمدىلىگى وتە كوپ. ماسەلەن, ۇلكەن جەرلەردى سۋعارۋعا ءتيىمدى, ەكىنشىدەن سۋ ۇنەمدەلىپ, جۇمىس كۇشى كوپ قاجەت ەتىلمەيدى. ۇشىنشىدەن ءبىر مەزگىلدە سۋعارىلىپ, تەگىس مول ءونىم الۋعا مۇمكىندىك تۋادى ەكەن.
جۇمىس ساپارى بارىسىندا وبلىس اكىمى تاۋلىگىنە 120 توننا ۇن شىعاراتىن جەكە كاسىپكەر ب.سارباسوۆتىڭ ۇن ديىرمەنىندە بولدى. سەرىكتەستىك يەسى ءوندىرىستىڭ كولەمىن ارتتىرۋ ماقساتىندا قوسىمشا قارجى كوزدەرى ارقىلى جاڭا ديىرمەن ورناتقانىن ايتىپ, ناتيجەسىندە ءونىم كولەمىن ەكى ەسەگە ارتتىرعانىن جەتكىزدى.
كاسىپكەر جانىنداعى ناۋبايحانادا كۇندىگىنە 3 مىڭ دانا بولكە نان شىعارىپ, قاسىنداعى ناۋبايحانا دۇكەنىندە قالاداعى ەڭ ارزان ناندى ساتادى.
ساپار سوڭىندا وبلىس اكىمى ج.تۇيمەباەۆ ارىس قالاسىنىڭ باسشىسىنا كەيبىر شەشىمىن كۇتكەن ماسەلەلەرگە نازار اۋدارىپ, ونىڭ شەشۋ جولدارىن قاراستىرۋدى جانە تۇرعىنداردىڭ الەۋمەتتىك جاعدايىن جاقسارتۋ باعىتىنداعى جۇمىستاردى جانداندىرۋدى ايتتى.