انت قابىلدادى

ەكونوميكالىق قىلمىسقا جانە سىبايلاس جەم­قور­لىق­قا قارسى كۇرەس اگەنتتىگى بولاشاق وفيتسەرلەرىنىڭ قاتارى «قارجى پو­ليتسياسىنىڭ قاتارداعى قىزمەتكەرى» اتاعى بەرىلگەن قارجى پوليتسياسى اكادەمياسىنىڭ تىڭداۋشىلارىمەن تو­لىقپاق. وسىعان وراي وتكەن سەنبىدە اتالعان اكادەمياعا بي­ىل قابىلدانعان 125 تىڭداۋشى سالتاناتتى تۇردە انت بەردى. اتالمىش شارادا ارنايى ءسوز العان ەكونوميكالىق قىل­مىس­قا جانە سىبايلاس جەمقور­لىق­قا قار­سى كۇرەس اگەنتتىگىنىڭ توراعاسى, گەنەرال-مايور قاي­رات قوجام­جا­روۆ كۋرسانتتاردى قۇتتىقتاي كەلە, «سىزدەر ءۇشىن بۇگىن قۋانىشتى كۇن. بۇگىننەن باستاپ اكادەميا سىزدەردىڭ ەكىنشى ۇيلەرىڭىز بول­عا­لى وتىر. مەم­لەكەتتىڭ بولاشاعى ءۇشىن حالقىمىز بەن ەلباسىنا ادال قىزمەت ەتۋلەرىڭىزگە شىن ءجۇ­رەكتەن تىلەكتەسپىن», – دەدى. مۇنان كەيىن 1-كۋرس تىڭداۋ­شى­لارى اتىنان ءسوز العان جاس­ۇلان ەرگەۋسىزوۆ بۇل وقۋ ور­نى­نا ءتۇسۋ كوپ جاستىڭ ارمانى ەكە­نىن جانە وسى رەتتە كۋرس­تاس­ت­ارىن دارىسكە بارىنشا دەن قويۋ­عا شاقىراتىنىن جەتكىزسە, اتا-انالار وكىلى گ.باتىربەكوۆا ورەن­دەردىڭ اتا-انا ەڭبەكتەرىن اقتاپ, وقۋدا وزات, ەلىمىزگە ادال قىزمەت ەتەتىن وفيتسەرلەر بولۋ­لا­رىنا دەگەن انالىق اق تىلەگىن جەتكىزدى. جيىلعان جۇرت­شىلىق ال­دىندا انت قابىلداۋ ءراسى­مىنە ارنالعان سالتاناتتى شەرۋ ءوتىپ, وقۋ الا­ڭىندا اكادەميا تىڭ­داۋ­شى­لا­رى­نىڭ قىز­مەتتىك وقۋ-جاتتىعۋلارى كور­سە­تىلدى. ەلىمىزدىڭ قۇزىرلى ورگان­دا­رىنا قىزمەت ەتۋدى جانە مەم­لە­كەت­تىڭ ەكونوميكالىق قاۋىپ­سىز­دى­­گىن ساقتاۋدى ءوزىنىڭ بورى­شى دەپ تاڭداعان قارجى پوليتسياسى جانە كەدەن ورگاندارىنىڭ بو­لا­شاق قىز­مەتكەرلەرى ءتورت جىل بويى اكا­دە­ميانىڭ پروفەسسور-وقى­تۋ­شى­لا­رى­نان ەكونوميكا­لىق جانە سىبايلاس جەمقورلىق قىلمىس­تار­دىڭ الدىن الۋ, سون­داي-اق ونى اشۋ مەن تەرگەۋگە قا­جەتتى زاڭدىق جانە ەكو­نو­ميكالىق بىلىمدەردى مەڭگەرۋگە مۇمكىندىك الادى. قارجى پوليتسياسى ورگان­د­ا­رى قىز­مەتىنىڭ باعىتى بويىن­شا حا­لىق­ارالىق جانە ۆەدوم­ستۆو­­ارا­لىق باي­لانىستى دا­مى­تۋ ماقسا­تىندا ەلىمىزدىڭ ەكو­نو­ميكالىق قىلمىسقا جانە سى­بايلاس جەم­قورلىققا قارسى كۇرەس اگەنتتىگى مەن تاجىكستان رەسپۋبليكاسى مەم­­لەكەتتىك قار­جىنى باقىلاۋ مەن سىباي­لاس جەمقورلىقپەن كۇرەس اگەنت­تىگى اراسىندا اتالعان قارجى پوليتسياسى اكادەميا­سىندا وقىتۋ ءۇشىن ەكى جاقتى كەلىسىم-شارت نەگىزىندە بيىلعى جىلى بەس تاجىكستاندىق تىڭ­داۋ­شى قابىل­دا­نىپ وتىر. اكا­دە­مياعا وقۋعا قابىلدانۋ كەلەشەك قارجى پوليتسياسى مەن كەدەن قىزمەتىنىڭ ساردارلارى ءومىرىن­دە­گى ەڭ ماڭىزدى وقيعا بولىپ تا­بىلادى. بۇل اكادەمياعا تىڭ­­داۋشى قاتارىنا رەسمي قابىل­دانۋ الدىمەن جالپى ءبىلىم بەرۋ مەكتەپتەرىندەگى ءبىر­ىڭ­عاي ۇلتتىق تەستىلەۋدى جاق­سى تاپسىرۋىمەن ەرەكشەلەنسە, مەديتسينالىق جانە پسيحولو­گيالىق تەكسەرۋلەر دە نازاردان تىس قالمايدى. سونداي-اق, دەنە شىنىق­تى­رۋ نورماتيۆتەرىن تاپسىرۋ مەن كەشەندى تەستىلەۋدەن تۇراتىن ءۇش دەڭگەيلى كونكۋرستىق ىرىكتەۋدەن ءوتۋ قاجەت. سىمداي تارتىلعان سال­تاناتتى ءرا­سىم­دەگى كۋرسانتتار وسىنداي ءبىلىمى مەن بىلىكتەرىن ۇشتاستىرىپ, وقۋ ور­نى­نا تۇسكەن ۇلاندار دەپ ايتۋعا تو­لىق نەگىز بار. ولاردىڭ مەملەكەتتىڭ قۇ­قىق­تىق ءتارتىپ پەن ەكونوميكالىق قاۋىپسىزدىگى­نىڭ تيىمدىلىگىن ارت­تى­رۋعا ۇلەس قوسامىن دەگەن ىزگى نيەتتەرىن دە بۇيىرتسا, وسى ءبىلىم وشا­عىندا قا­لىپ­تاستىرۋعا ءمۇم­كىندىكتەرى مول. ءابدىراحمان قىدىربەك, اقمولا وبلىسى, تسەلينوگراد اۋدانى, قوسشى اۋىلى.